Dagane går vidare...

Ja, på mange måtar er det vel det som ofte er det verste,

og det beste med livet,

at kvardagane kjem,

og går..

uansett...

Hjå oss har finevêret endeleg kome og me er ute frå morgon til kveld.

Som de ser av bileta har eg hengt opp ei gardin frå Åhlens på veggen.

Men den heng ikkje berre på veggen, den heng framføre ei dør.

(Du ser korleis det var før til høgre i margen her på eit bilete frå gangen...)

Me har lenge lurt på å stenge denne døra inn til kjøkkenet, sidan me har så mange dører inn der frå før.

No fant eg ein litt lur måte å prøve ut dette på, utan faktisk å fjerne døra!

Synes det var lurt.

Då vil me jo sjå om me kan klare oss utan den...

På andre sida har eg skrudd av handtaket...

Dette er "tavledøra" på kjøkkenet, så den har framleis ein funksjon forsåvidt.

Synes stoffet frå Åhlens er ganske fint,

og ganske mykje billegare enn ein tapet...

Og ikkje minst utruleg lett å bytte ut!

Håpar litt av kvardagen er komen tilbake til deg òg...

Klem

Gje meg handa di...

Gje meg handa di, ven, når det kveldar

det blir mørkt og me treng ei hand.

La dei ljose og venlege tankar

fylgje oss inn i draumars land.

Lat varmen frå ein som er glad i deg

tenne stjerner i myrkaste natt.

Gje meg handa di, ven, når det kveldar,

det blir mørkt og me treng ei hand.

Varme tankar og hender som trøystar

er som sol over frosen jord.

Kjenne varmen frå ein som er nær deg

gjev langt meire enn store ord!

Lat varmen frå ein som er glad i deg

tenne stjerner i mørkaste natt!

Gje meg handa di, ven, når det kveldar,

det blir mørkt og me treng ei hand.

.

Tekst: Sondre Bratland (Irsk melodi fra 1600-tallet)

I djupaste medkjensle til alle...

Ein liten fargeeksplosjon...

Sjølv om eg sakte har luka vekk litt av sommarhus-stemninga i mitt eige hus,

så er det reine eksplosjonen av sommarfargar i huset-i-hagen.

Eg rydda litt der ein dag, kasta ut ein gammal sofa,

vaska, og tok inn ei ekstra seng i staden.

Roser frå hagen måtte sjølvsagt på bordet...

Då vart det ein flott fargekombinasjon der inne,

synes eg...

Eg sette dei to borda som var der inne saman,

og vips vart det eit langbord med plass til alle dei "ledige" stolane mine frå garasjen...

(Eg har nemleg eit lite lager med stolar rundtomkring..hihi, men kven har vel ikkje det??)

Den gamle oransje-blomstrete dyna i senga har vore i min familie så lenge eg kan hugse...

Kjekt å få bruke den.

Den raude ljosestaken på bordet skal vel eigentleg hengast i taket.

Den vart spraymalt raud for nokre år sidan,

passa jo fint inn no med desse fine stolane...

Litt av vitsen med eit slikt hagehus er å bruke ting ein har frå før,

her skal me ikkje kjøpe nytt, berre bruke omatt ting me har.

Og ting, ja det har me...

Ein gamal fjellreven-sekk heng på knaggen innom døra,

berre i tilfelle me går ein nistetur...

(den vart kjøpt på ein bruktbutikk for eit par år sidan)

Fiin...

 Dokkemor er sjølvsagt med der det skjer..

Ho har funne seg godt til rette i den "nye" senga i hagehuset vårt.

Tippar det blir ein fin stad å sove middag...

for liten og stor.

<3

Ha ein fin kveld du òg.

Kva synes du??

 Du har sikkert opplevd at av og til er det som om ting "snakkar" til deg..? Eller?

Er det berre meg??

I dag møtte eg ein sånn ting...

På ein bruktbutikk.

Saman med mi supre veninne frå Øystese, var me innom den lokale bruktbutikken.

Der hang, av alle ting, ein klokkestreng...

som eg berre måtte ha...
eg klara ikkje gå i frå den...

Ja, kva synes du?

Eg synes den passa knallgodt inn, faktisk!

Angra ikkje eitt sekund.

Synes fargane var fantastisk fine,

dei kjem igrunnen best fram på fyrste bilete.

Klokka som hang der har fått tilbake sin gamle plass,

på veggen ved komfyren (alle såg jo den vegen for å sjå på klokka uansett, har du prøvd å bytte plass for klokka di? Umuleg...).

Me ha hatt ein knallfin dag i nydelege Øystese,

og eg trur dokkemor har fått seg ein ny liten kjærast...hihi

Ha ein flott kveld!

Klem til deg...

Søte sommartid...

Det finnes mykje (altfor mykje) freistande å lage når ein har lange late dagar og fri...

Som ein nydeleg bærpai, det må jo vera litt sunt...?

Eg og dokkemor veit kvar me skal leite for å finne utruleg mykje markjordbær,

me åt og åt...

men litt av dei vart med heim.

Dokkemor ville me skulle lage pai av alle bæra.

Og det måtte me jo.

Me supplera sjølvsagt med både solbær og rips frå frysen...

 Sommarens fyrste (og heilt sikkert ikkje siste) nyydelege bærpai.

Her er oppskrifta:

Botn:

100g margarin

2-3 ss sukker

1,5 dl kveitemjøl

1,5 dl havregryn

Arbeid deigen saman og trykk den ut i ei paiform

Fyll:

Bland alle bæra du vil bruke i ein bolle (ca 400g? eg berre slumpar..)

Bland oppi frå 0,5 dl  til 1,5 dl sukker (litt etter kor søte/sure bær du brukar)

1 ss potetmjøl

Rør saman og

tøm alt oppi paien

Steik den midt i ovnen på 225 grader ca 20 min, til deigen har fått farge og fyllet har blitt mørt..

Nyydeleg servert varm med is...

Me vakna utruleg nok opp til ein ny solskinnsdag!

Det ser ut som det må bli ein tur på stranda i dag...

årest fyrste det òg i tilfellet...

men bading...?

Det veit eg ikkje...

Håpar du vakna til solskinn du òg!

Og at dagen blir fiiin...

Kreta

Eg treng vel ikkje seie meir?

Sol,

varme,

strand og

knallblå himmel...

Me har hatt ein knallfin ferie på Kreta!

Jammen kom det godt med,

sidan det er "regntid" her heime...hihi

Klem

Morgonstemning og "ny" bordplate

Ein herleg morgon,

roleg og stille start på dagen,

radio og eit kjøkken for meg sjølv...

Nye flotte blomebukettar frå barnehand dukkar stadig opp,

fyrste rosa frå hagen er med..

Så måtte eg berre vise den "nye" bordplata mi,

kva synes du??

Min kjære mann var så lei av alle flekkane i kvitmålinga at han pussa heile plata.

Kanskje den berre skal vera slik ei stund?

Men alt endrar seg når bordplata er av tre,

lyset og stemninga i rommet vart ei heilt anna...

Eg veit ikkje,

treng litt tid...

Og kven har sagt ein ikkje kan ete kanelbollar til frokost?

Som eg hadde skrive i førre innlegg, så vart det bakedag i går...

Men no er det nesten tomt...

alle bollane fekk bein å gå på i eit hus med mange store og små...

(sjølv om eg kanskje åt flest..hihi)

Eg veit at det regnar,

men det er så utruleg lite å gjera med...

Ha ein flott dag!

Ei fin helg

Eg håpar naboen tilgjev meg...

Han hadde så utruleg nyydelege valmuer i hagen sin...og han var ikkje der å kunne nyte dei,

no kan han sjå iallfall ei av dei hjå meg istaden..hihi...

Det er kjekt å lese alle bloggane for tida, alle som har storkosa seg i hovudstaden på dei berømte glansdagane til NIB!

Med prisutdelingar og kjekt seminar. Eg må berre gratulera alle vinnarar! Vel fortent til alle ihop!

Og dagens vetle hemmelighet,

eg var nemleg i Oslo eg òg..hihi

Men me var opptekne heile helga.

Med andre ting.

Ei lita dokke skulle feire dåpsdagen sin,

og me fekk vera med.

Kjekt!

Vår litt større dokke storkosa seg i hagen til sitt søte søskenbarn.

Dei hadde litt andre leiker og eit stort rutsjebane-stativ som sjølvsagt var superkjekt!

Litt shopping høyrer med, sjølv om det ikkje er enkelt når ein er så mange...

Men eit fantastisk vêr gjorde alt berre bra likevel.

Her hjå oss regnar det nonstop i dag...og alt er som det pleier...

Eg har ferie,

eldstejenta har ferie,

storebror har perm...

Kanskje dette blir ein bakedag?!

Klem til deg!

(PS har stoore problem med å kommentera andre bloggar for tida, veit ikkje kva som er gale...fleire som har samme problem??)

Det måtte bli sau...

Eg må le litt når eg ser desse bileta..haha

No har me hatt sauer rundt alle fire veggane av huset vårt i maaange år...

(ikkje inn i hagen altså..)

Men som kjent elles i landet, legg også sauebonden ned produksjonen rundt oss òg..

No er det berre rundt tre veggar...

Som kompensasjon for tap av "utsikta" har me no ein sau i sofaen.

Eldstejenta sa: "Mamma, eg kjem til å få mareritt om den sauen..."

Haha...

Jodå kan hende det, men den passa fint inn...

Den kom sjølvsagt via posten, er av merket By Nord og kjøpt på den fine nettbutikken Hviit.

Me er inne i ei aktiv helg, med avslutning på jobb og snart skuleslutt...

Det skal bli bra.

Ein fin laurdag til alle!

Ein dag heime...

Ein dag ekstra heime,

dokkemor har feber...

Ikkje kjekt å vera liten og sjuk.

Men blid som ei sol, likevel.

Nesten godt det vart overskya att, når me likevel sit inne.

Sofakroken og barne-tv er godt å ha.

Alltid når eg vert sitjande for lenge i ro (noko som ikkje skjer for ofte...), ser eg rundt meg på ein ny måte.

Sit å ser kva eg kunne gjort,

kva eg kunne flytta,

kva eg kunne måla...

Men i dag så har det vore mest; kva eg kunne rydda...hihi

Masse klede og rot inne etter ei aktiv helg ute...

Tilbygget har endeleg blitt heilt ferdig måla!

Mannen har hengt utanfor soveromsglaset i lift...

Eg har måla alt eg når frå bakken...

Phu, godt når det er gjort.

No satsar eg på at dokkemor kjem seg utover dagen, slik at ho er frisk og klar for

4-års kontroll hjå helsesyster i morgon!

Og eg seier ikkje nei takk til TOM skittenklede-korg heller...

Håpar...

Ein fin dag til alle som er innom!



4 år!

 Verdas søtaste 4-åring!

Sjølvsagt...

Dokkemor har hatt bursdag (for nokre dagar sidan alt).

Litt bilete frå dagen høyrer med.

Ei høgt ønska ballerina-drakt kom i pakke, som sjølvsagt måtte på kl 06.30 på morgonen!

Litt ballettdans fekk ho òg tid til.

Leenge å vente til kl 17.00 då selskapet skulle starte.

Til dokkehuset fekk ho ein liten ny komfyr m/vask, kjekk liten sak frå IKEA.

Den vart teken i bruk med ein gong (etter eit nytt klesskift),

nydeleg kjole frå Katvig ...

Flott (iallfall nesten) pompom (eller kva det heiter??), heimelaga etter supert tips frå Den gode feen .

Den var visst ikkje heilt bein og rund, men pytt pytt...

Super enkel å lage, berre litt silkepapir og streng...

Ein girlander av silkepapir i vindauga...

Pynta til fest!

I ein nydeleg Dundelina-kjole..

og heilt sjølvlaga krune for anledningen.

Ei strålande nøgd lita jente etter ein flott dag!

No er det helg igjen, håpar å få gjort noko fornuftig,

og noko kjekt!

Riktig god helg til deg!