Hei og hopp!

Jodå, eg er her! Det har berre vore litt travelt i det siste...men gudsjelov så er det snart sommerferie for meg! I dag viser eg nokre saker eg fekk med meg på ein dødsbu-akusjon/salg her om dagen. Det er slett ikkje ofte det skjer noko slikt i nærleiken av oss, men denne gongen var det nokon som bokstavleg talt opna huset og slapp oss inn...

Du kan tru det var mykje rart! Sikkert ikkje lett å halde eit slikt salg midt mellom der folk har budd, og det kjennes litt rart å gå å rote i "andre sine ting"...men men, det er trass alt betre at dei bryr seg om å selje noko enn om alt skulle gått rett på dynga.

Og mykje fint var det. Eg var heldig å fekk med meg blant anna desse sakene eg viser, ei nydeleg korg med fin gammal-grøn farge (likar så godt den fargen...), ei lita korg til å heng på ein knagg, og den flotte benken nedanfor, som er like fin samme kor den står...

Og skikkeleg solid var den (for 100,-kr!), synes eg gjorde nokre gode kjøp eg. Fekk med meg litt stoff og litt anna småtteri òg...men med eit lite troll på armen inni ei lita stove med masse folk, var det ikkje så lett å handle...

Og ute er me no i full gang med diverse prosjekt, blant anna å skrape og male garasjen/uthuset vårt. Det er kjekt å få gjort alt slikt FØR sommarferien, slik at me kan prioritere andre (og kjekkare) ting då...

Håpar de har det travelt og kjekt òg!!

Kos dekan i sola, så kjem eg att om ikkje så lenge...

Lukta av sommar...

Syriner er sjølve lukta av sommar, synes eg. Når denne lukta breier seg utover landskapet DÅ er sommaren her. Det er heilt herleg å trille sovetur med vetlatrulto når eg kan gå og supe i meg av denne lukta kor eg enn snur meg...

Fantastiske å sjå på er dei òg. For to år sidan planta eg ei buske i hagen vår, og til stor glede ser eg at det kjem blomar på den i år! Men den er kvit, så dei blomane som fekk æra av å kome i bloggen min, var freistingar langs vegen på trilleturen min i dag...

Ha ei strålande helg alle som ein! Me skal på ute-teater i helga, og det vert kjempespennande om regnet held seg vekke...

Golvpute...

Eg har alltid synes det ser så kjekt ut å ha slike golvputer, at ungane kunne ligge å sjå TV, og vaksne kunne slå seg laus med berre å vera der ungane er...

No har eg funne ei slik golvpute, den er kjempefin og akkurat passe på alle måtar. Vetlatrulto har teke den med inn i leiken sin og no brukar ho den både til seg sjølv og dokkene sine. Den er kjempefin å ha framfor TV om kvelden når tullemor både er trøytt og likar ha ein plass for seg sjølv...Puta er faktisk kjøpt på KID, så den skulle vera lett å få tak i for dei fleste.

Ser det er mange som har ein liten oppsummering av 17.mai på bloggane sine, for vår del besto den i mest spy....vetlatrulto spydde i takt med salutten på morgokvisten og slik gjekk det utover dagen...stakkar liten!

Men eg og eldstejenta fekk akkurat gå i tog, så var resten dugnadsarbeid. Pappen avløyste me litt utpå dagen, slik at han nett fekk ta på seg bunaden han òg...Men klassen fekk inn maaasse peng, så det blir visst klassetur i år òg! Og det er jo bra...

God helg!

Måtte vise den dristige duken til stova..kjøpte den til kjøkkenbordet, men eg synes den passa bedre i stova...

Puta mi fekk pynta opp krakken...

Det er travle tider fortsatt her hjå oss. Tradisjonene i bygda vår er at konfirmantar med foreldre arrangerer 17.mai for resten av bygda (!). Som om ikkje dei allereide har hatt nok å styra med?? Men, neidå... tanken er vel heller den at; sidan dei har strevd så fælt med konfirmasjonen gjer det ikkje noko om dei må streva nett litt til...haha...

Men ei mager trøyst er jo at det er leeeenge til neste gong! No kan det jo faktisk vera litt kjekt å ta ein dugnad sånn innimellom då, eg toler det...

Me håpar iallefall på ein strålande 17.mai! No er bundaskjorter strokne og plenen slått...Jippi! Då var det berre kakebaksten att...

Kos deg riktig så mykje på nasjonaldagen!

Sommarfin...

Me kan jo ikkje reisa til Bergen og koma tomhendt tilbake...Neidå, sjølv om det var konfirmanten som ville bruka litt pengar, vart nok mor sjølv kvitt litt av den sorten òg...

Eg kjøpte blant anna denne fine sommarkjolen, synes den har fantastisk fine fargar! Den måtte rett og slett hengast på veggen, inntil vidare...

Og i dag skin sola frå skyfri himmel, så det er berre å håpa på at sommarvarmen kjem smygande....

Takkar for alle dei kjempekjekke kommentarane eg har fått i det siste! Utruleg koseleg...eg er på veg rundt i bloggland ein gong i kveld tenker eg...men no må eg ut i sola!

Tudelu...

....

Ingen inspirerande tittel på dagens innlegg...hmmm.

Her om dagen la eg meg rett og slett ned på golvet for å få litt inspirasjon til nye bilete. Det er noko med det, når ein legg seg på golvet så ser ein alt frå ein litt anna vinkel enn vanleg. Av og til er det befriande og av og til er det absolutt irriterande, spesielt om støvet virvlar seg rundt deg...

No vart det visst berre det fyrste bilete som verkeleg kom frå golvet då...haha. Den nydelege hekla ballen er laga av mi kjære eldste syster (hei!), og vetlatrulto fekk den i dåpspresang. Eg synes den har nydelege fargar...

Det av spisebordet er faktisk frå konfirmasjonsdagen...med pynta bord. Men ellers har me møtt kvardagen att her i heimen, kakene er for lengst oppetne og blomane er om ikkje kasta, så iallefall veldig nær....

I morgon skal eg og jentene mine på jentetur til Bergen! Det blir morro! Håpar eg kjem meg innom nokre av dei kjekke butikkane eg har høyrt rykte om på Nesttun...

Ha ei strålande helg i vente!!

Konfirmasjonsdagen...

Konfirmanten var nydeleg...Bordet var dekka enkelt...

Konfirmant og besto hadde sjølv laga dekorasjonar til bordet...

Eg likar no godt litt hageblomar, eg...kirsebærblom pynta kakebordet...

Og kakene var nydelege...Og altfor mange. Måtte ha betydeleg hjelp for å få dei oppetne...Men det vert som regel slik. Skal jo ikkje vera for lite på ein slik dag..

Men no er det over. Synes eg måtte ha eit innlegg frå sjølve dagen, sidan innlegget før handla om dagen før dagen...

Men neste innlegg kjem definitivt ikkje til å handle om konfirmasjon...

Ha ein fin kveld alle som kikkar innom!

Dagen før dagen...

Dagen var over i går...phu! Men dette er bilete frå dagen FØR konfirmasjonsdagen til eldstejenta... Og det ligg alltid litt spenning i lufta. Som for øvrig er blanda med STIFF-lukt frå bunadskjorter og såpelukt frå resten av huset... Herleg!

Når alt er klart og eg veit at no kan eg ikkje gjera meir...DÅ er det godt å setje seg ned å vite at eg har alt i boks og sjølve dagen skal gå bra.

Og det gjorde den...Eg kjem tilbake med litt bilete frå den dagen òg. Men det er alltid kjekt å ta litt bilete før alt er rørt...og medan alt enno er strøkent...

Sjølv om det berre vart bilete av nokre av blomane denne gongen...me hadde visst mange nok...men dei enkle eg plukka frå hageblomane synes eg faktisk gjorde seg godt på gåvebordet...

"Ny" pute..

På tide med eit innlegg att... Og sidan eg er ei av dei som stadig er på jakt etter små unike skattar, MÅ eg innom brukthandelen kvar gong er eg i nærleiken...Og denne gongen fant eg eit søtt putetrekk med fine broderte blomar på.

Veit ikkje heilt kvior eg stadig fell for slike broderte saker, eg har skapet fullt av dukar med ulike fargerike broderi. Men eg trur det er noko med alt arbeidet som ligg bak, eg beundrar dei som har tolmodigheit til å sitje slik å brodere på bomullstoff. Det må jo vera litt av eit arbeid!

Og tenk, så kjem slektningar og arvar alt det flotte arbeidet du har laga, men kva gjer dei?? Jodå dei synes det er noko gammalt fjas, og gjev alt vekk til Fretex eller næraste brukthandel, eller verst av alt dei berre stappar det i ein bossekk så det forsvinn for alltid! Utruleg...

Men det er jo bra for meg då, iallefall at nokon gjev det vekk til ein brukthandel... Eg beundrar alt arbeidet i alle dei små fine blomane...Takk til kven det no var som gjorde det. Synes fargane var så fine på dette putetrekket, spesielt den grønne fargen, eg kjenner at eg likar grønt for tida...

Uteliv med nye støvlar...

Det er ikkje mykje som minnar om at me snart skal ha konfirmasjon her i heimen...men utemøblane er iallefall vaske og kome på plass. Og veret er det ingenting å seie på, heilt utruleg fint og varmt i sola! (Håpar berre det varer ei veke til...hihi)

Men sjølv om sola skin, var det kjekt å vera ute med nye støvlar...Alltid kjekt med sko ein kan klare å ta på sjølv. Og eit lite triks for å få ho til å sitte i ro når eg tek bilete er å la ho få leike litt med mobilen til pappen....Haha

PS Støvlane er kjøpt på Englebarn i Sandvika...

Men no er det tid for å gå ut i sola...

Er det ikkje utruleg kor mykje fint som finnes til ungar i dag?? Såå mange fine leiker, som faktisk er kjekke å ha ståande framme. Innanfor ramma av fine leiker, må eg seie at det nyaste tilkomne her i huset går under den kategorien...

Vetlatrulto har lenge gått i panneskapet mitt for å finne pannar å "koka" med. I ein periode no har det gått i "mamma, koka, koka" heile dagen (som betyr at no vil ho koke litt middag...hehe). Ikkje snakk om noko kjønnsroller her hjå oss, vetlajento har nok ein medfødt eigenskap mor i huset manglar...Koka er kjekt!

Kva skal ei mor gjera?! Jo eg måtte jo kjøpe utstyr så ho kunne koke litt middag ho òg...

Den vesle komfyren med to pannar, egg og steikespade samt brødristar med to skiver fant eg på Sprell i Sandvika...Dei har nettbutikk òg.

Elles håpar eg alle har hatt ei strålande helg, eg har nytta høve til å blottlegge blåkvite legger...og ynskje sola velkommen på altanen. Herleg!

Kva gjer ein når tida går frå ein...? Jodå heldigvis finnes det eit lite arkiv å hente bilete frå. Med fare for at eg gjentek meg sjølv for ofte no...viser eg atter eingong våren i fjor... Men det er jo no eg ser at våren var litt tidlegare i fjor, faktisk...desse bilete er teke 22. april i fjor. Desse blomane er ikkje kome like langt enno i år...(er det ikkje fantastisk med digitalkamera?? No VEIT me jo når bileta er tekne!)

Men den er jo nydeleg då, våren i fjor altså! Og minst lika fin er den i år òg! Det er berre det at eg har enno ikkje hatt tid til å nyte den...men eg håpar helga skal bringe med seg late gode dagar/timar....

Og ikkje minst ei oppdatering av biletarkivet....

Men til då, ha ei knallfin helg alle mann!! Så håpar eg på ein bloggrunde ganske snart...

Bruktfunn!

Ein skal ha tid til litt av kvart i påsken. Og ein av tinga me hadde planlagt lenge var å reise å kjøpe dress+tilbehør til eldsteguten vår.

Han er ein lang gut på 195 cm (håpar han ikkje veks meir i lengda no...), og i tillegg smal over hoftene og breiskuldra med lange armar og bein...så det tek tid å finne rette dressen. Men me fant den! Og han vart fantastisk flott!!

MEN i tillegg når me no fyrst var avgarde på shopping måtte mor sjølv få lov å kikke litt i butikkar ho òg... Og ein av dei fyrste stadane eg ville var ein ny bruktbutikk eg lenge har visst om, men ikkje kome meg avgarde til.

Og her var det mykje kjekt! Eg kikka leeenge i alle krokar...men DER stod den midt på golvet, ein skjønn stålampe med verdas finaste skjerm! Det var igrunnen skjermen eg ville ha, men den vart ikkje seld utanom lampen. Eg fekk heldigvis pruta ned på prisen, der eg la ut om jordingsledning som ikkje fanst...osv...

Og no står den der i stova og passar ypperleg inn og var akkurat det stova trengde...Men den skjermen ser eg for meg hengande over spisebordet eller kjøkkenborden òg med tida..Men enn så lenge skal den få stå der slik den er.

Eg synes skjemen var så fin med den nydelege grønfargen og dei litt blasse fargane. Og litt blass gullfarge er jo berre heilt herleg!

Difor vart denne turen med eldsteguten ein knallkjekk tur, der han var strålande fornøgd og det vart jammen mor òg! Me avslutta dagen på Peppe`s pizza og det gjorde jo ikkje dagen verre...

Håpar alle har ei knallfin påskehelg! Snart er det jobb igjen...eg må tjuvstarte litt allereide i dag...

Tudeluu....