Påske...no?

Ettersom påsken kjem litt for fort i år (for meg iallefall), så har eg enno ikkje noko påskepynta hus å vise fram... eg håpar eg kan klare å ordne litt i dag. Det er som sagt mykje som skjer for tida. Mor skal i jobb, og etter mykje diskusjon, til og frå, så vart me einige om at far i huset skal stelle heime (!!) Jippi! Då slepp vetlajento vår å begynne i barnehagen endå....phu! Må innrømme at eg er veeeldig letta for det...Tenk å sleppe å dra ungar og alt ut av huset tidleg om morgonen! No kan ho kose seg med pappen sin, og eg kan kome heim til ferdig middag! Ja det vert nye tider det...

Måtte finne fine bilete på flickr.com slik at det vart litt påskestemning her inne....

Har store planar om å male det blå skapet i stova...(det frå Fretex...) Skal vise bilete av det seinare....

Ha ein fin dag alle saman!

Klem

Med løfte om vår...

For eit par veker sidan hadde eg eit lite eksperiment i heimen... Eg las nemleg inne på ein av bloggane (hugsar desverre ikkje kvar...synd), at om ein tek inn kirsebærkvistar og vil dei skal blomstre, så må ein banke enden på kvistane for å lure dei til å blomstre inne!! Og eg hadde jo allereide sett inn kvistar av kirsebærtreet mitt, og trudde dei kom til å blomstre uansett...men no tok eg kjevlen og banka kvistane (den delen som er nedi vasen...). Kjevlen sprakk... eg vart visst litt ivrig...(men det er ei anna historie...). Uansett her får de sjå resultatet...





Det kom fram så søte skjøre små blomar, at det var verdt heile kjevlen og meir til!! Det vart nokre dagar med løfte om vår i stova hjå oss...

Tusen takk for søte kommentarar frå alle de kjekke flotte jenter der ute!! Ha ei kjempefin helg!

Klem

Hei og hå!

No er eg her att...har vore bortreist ei lite veke, og då er det alltid kjekt å kome tilbake og sjå alle dei fine innlegga til alle andre i bloggverda! Det er mykje som skjer i livet vårt her for tida, og noko er veldig bale og noko er veldig bra! Så kanskje det var meininga det til slutt skulle bli ei slags utjamning...?? hmmm. Nei no må eg slutte å tulle... Men føler på mange måtar me er utruleg uheldige, men av og til føler eg meg veldig heldig likevel...(dette vart kryptisk...)

Men eg vil fokusere mest på det som er bra (iallefall her inne...) og det er at eg har fått ny jobb!! Heilt utan å søke eingong...(er det lov??) Ja fekk berre ein telefon, så var det gjort... så no startar eit litt merkeleg liv her i huset, for eg har fortsatt svangerskapspermisjon og vetlajento er berre 9 mnd(!!). Ja mor kvir seg skikkeleg samtidig som eg gler meg òg...(merkeleg?) Men eg startar ikkje før om ein mnd ca...og då er jo vetlajento vår 10 mnd...(som om det var ei trøyst...?). Eg som er skikkeleg hønemor (korleis skal dette gå??). Dei to eldste byrja ikkje i barnehagen før dei var tre år, og sjølv då berre halv plass...men livet tek merkelege svingar av og til...eg får vel berre stupe uti og prøve om det går bra....hjelp...

Frå det eine til det andre....Vil nett vise dei nye sofaputene mine òg....likar at dei er litt store (då treng eg ikkje så mange...). Og denne gongen har eg sydd dei slik at eg kan opne og ta av trekket slik at det vert lett å vaske...(eg brukar ikkje være så lur...)


Eg var i Bergen ein dag for to veker sidan, og då kjøpte eg min fyrste bukett med ranunklar...og dei står faktisk enno!! Nydelege blomar, i heilt nye IKEA-vasar...må nett vise dei òg...


Eit lite pust av vår....

Ha ein fin dag alle som kikkar innom til meg!

Her er inspirasjonen min, sant dei er fine!!?

Synes desse uglene er heilt nydelege! Det var ei slik eg prøvde å lage nedanfor...ikkje HEILT lik men men....desse kjem altså frå Pretty Littel Things sin nydelege blogg og butikk.... Ho lagar masse inspirerande saker i det bitte-vetle huset sitt...

Må kanskje lage feire slike...Men fyrst er det sofaputene som må syast ferdige...Ha ein strålande dag i regnet! Her pøsar det ned siste vinterferie dagen vår...(men det er jo vår i lufta....så pytt...)

Ei ugle blir til...og litt til...

Ja, no har eg drege den ugledilla mi litt lenger...var innpå ein blogg (skal kome med linken sidan) som hadde sååå fine ugler! Ho hadde sydd ugler som kosedyr... Då var det fram med symaskina (og alt er gløymt frå forrige tapre forsøk...tjihi). Eg teikna meg eit mønster frå bileta, og vips fekk vetlesyster seg ei koseugle i fleece...

Mønsteret teikna eg på frihand, for at det ikkje skulle vera sånn veeeldig beint (og stygt?), synes berre det er litt meir sjarmerande med litt personlegdom...(som eg likar å kalle det). Måtte leite litt i gamle stoff, for å få det til å passe sånn nokolunde....litt fleece, litt gamle sengetøy, litt filt og anna stoff...(bileta vart litt gule for det var seint på kveld...)

Vert nok ei klok lita ugle dette....hi hi..

Og her er eg...(har ikkje fått noko namn enno), men vetlesyster tok meg til seg med ein gong...eg håpar eg toler ein støyt....
Når eg fyrst er her så kan eg jo vise at eg snart kan kalle meg shoppaholick (eller kva det heiter?), for eg har atter ein gong handla på Stoff og stil.no
Denne gongen vart det voksdukar og nytt stoff som skal bli puter i sofaen...Var ganske fornøgd med alt denne gongen faktisk (ikkje alltid sånn...), voksdukan var litt meir turkise i fargen enn kva eg trudde, men dei passa godt inn på kjøkkenet! Og det var det som var meininga, vil nok ha dei ute òg når sommaren nærmar seg....(gledar meg!)
Desse to stoffa skal bli nye puter!! Synes dei passa ganske godt til sofaen (den einsfarga beige-brune er sofaen...). Så no blir det sying av puter i morgo! Trur min kjære mann vert glad no når det endeleg kjem puter att i sofaen...dei vart nemleg inndregne for eit par år sidan, grunna altfor mykje krølling og knepping under hovudet, dei stakkar putene vart ikkje sjåande ut til slutt! Men NO håpar eg putene skal bli behandla med litt meir respekt her i huset...(fnis)

Men no er det sengetid for meg...god natt! Klem

Ny overskrift...no igjen!

Ja eg veit eg rotar litt med den overskrifta... Stadig ny...Men grunnen er at eg har lasta ned eit utruleg kjekt fotoprogram (gratis!): PhotoScape, og det er så kjekt leike litt med. Og sidan eg ikkje er så gammal i denne bloggverda...så har eg framleis ikkje heilt funne meg sjølv...og kva stil eg skal gå for...men eg finn det nok ut...snart...:-) Må nok samstundes innrømma at eg ikkje heilt har forstått kvifor overskrifta innimellom vert bitteliten og av og til altfor stor??! Og den ramma rundt lever visst sitt eige liv...nokon som veit litt om detta??

Kort, kort og fleire kort....

Så har eg laga litt fleire kort. Det er ein grei ting å lage ei stille kveldsstund, morro å klippe og lime, det går fort og er enkelt å få til. Akkurat slik eg likar det. Det er vel ingen hemmeligheit at eg er litt utolmodig og likar å bli fort ferdig....(det vil nok kanskje vise litt igjen på det eg gjer òg??) Men det viktigaste er at det var kjekt så lenge det varte...Alle korta er laga med enkel farga kartong og litt ulikt gåvepapir.....(og litt tusj). Viser bilete av dei som vart slik dei skulle:

Songfuglar...??

Som de ser, så er det ulike fuglemotiv det går i no. Det finnes utruleg mange måtar å framstille ein fugl på! inspirasjonen til fuglane har eg funne rundtomkring på nettet, det er utruleg mange flinke og kreative folk der ute! Og nokre av dykk svingar kanskje innom her?! Då kan eg seie tusen takk med ein gong, til alle dykk der ute som gjev meg så masse inspirasjon og glede!!! Håpar de aldri gjev dykk men berre fortsett å dele med (meg og...)verda!! Stor klem til dykk alle!!!

No er det vinterferie!

Bilete er frå fredag og då var det strålande vèr og nydeleg skiføre... eg og dei to eldste var på ski (nedoverbakke) ein tur, eller sonen går på snowboard, eldstejenta på slalom og eg på telemark... så alle greiner er representert (hi hi). Men morro er det iallefall...

Kaka vart laga på fredag før skituren; gulerotkake, ei nyyydeleg oppskrift som gjev ei saftig og god kake:

4 egg

3 dl sukker

3 dl kveitemjøl

1 ts natron

1 ts bakepulver

2 ts kanel

1 ts vaniljesukker

litt salt

1 dl olje

4-5 dl (grovt) revne gulerøtter

Pisk egg og sukker, ha i alt det andre og bland godt. Steik i (liten) langpanne på 160 grader i 30-40 min. Ostekrem: 100 g kremost - 50g smør - 1 ts vaniljesukker- 125g melis rør saman m/ visp og ha på kald kake...Og vips:

Heile kaka forsvant faktisk her hjå oss....nam..
Eg eg har laga eitt nytt kort, det andre i bakgrunnen er frå i fjor... har planar om å lage fleire, men er avhenging av at vetjenta søv, for ho er borti absolutt ALT for tida (og når tak i det utruligste!). Ho går rundt med ei stor blåveis i panna, etter eit litt uheldig møte med badegolvet, ho har til og med blåveis på kjaken (??) eg vurderer sterkt å kjøpe innehjelm til den jenta...

Ein travel liten fot....
Men her er kortet då...litt naiv kunst?? Men eg går under filosofien: less is more, og synes definitivt at det enkle er det beste...men kva skal eg med alle desse korta...?? Det lurte mannen min på...men ein treng vel alltids eit kort? Tjihi...eller?? (eg treng iallefall....) Ha ein strålande dag alle saman!

Ja det er vel strengt tatt valentinsdagen i dag...

Ikkje det at eg er så amerikansk at eg feirar den, men eg kan jo benytta anledninga til å vise dei siste restane av morsdagstulipanane mine...som er klippt ned og havna i mange vasar rundtom i huset. Tenkte me heller kunne feire dagen i morgo, for då byrjar vinterferien for ungane! Og då kan mor vera snill å bake ei kake eller noko anna godt....

Tenne ljos kan ein jo alltids....

Gløymde å vise denne fine gamle "nisteboksen" som eg plukka med meg frå Fretex sist eg var der. Eg tenkte den kunne passe akkurat til sysakene mine... Ganske rommeleg er den òg...
Det kan jo hende eg pyntar den litt med eit av mine (tidlegare) utklippte reinsdyr(??)
I dag har eg benytta anledinga då vetlejenta endeleg sovna, til å klippe litt anna òg. Eg var litt å streifa rundt på nettet her ein stille kveld, og fant nokre utruleg inspirerande bloggar (eller kva det var..). Den eine heiter Print & Pattern Og der inne fantes utruleg mykje kjekt (synes eg då)!! Eg likar å lage litt enkle ting som går fort....å klippe og lime er kjekt, så difor enda eg opp med å lage noko som liknar litt på det eg fant der inne...men eg har tenkt å lage mykje meir!

Eitt kort....med ei tidsriktig (tjihi) ugle:
Og eitt til med uglemotiv...Har på følelsen av ugler kjem til å "ta av" snart...(Iallefall etter dette, hi hi)Kven som endar opp med å få eit ugle-kort frå meg er sannsynlegvis ein eller annan smarting...(ha ha)...Ha ein kjempefin dag! Og då viser eg bilete frå ein av dei andre inspirernade bloggane eg fant, nemleg Hostess with the Mostess:

Nam nam...det var jo litt av eit bilete å avslutte med....(trur eg MÅ bake litt snart...)

Nydeleg dikt...

TIL BARNET

Einast hjå deg finn eg kvile.
Trøytt kan eg leggja meg
Inn til din kropp
Og kjenna deg
Liten og varm
Stilla ei tærande uro
Og stogga eit hjelpelaust flog.

Hendene dine er mjukleik.
Dei breier seg ut og held meg fast.
Dei fangar ei sjel og ber ho heim.

Ja, eg skal vera her no.
Hendene dine er mjuke tog.
Eg kviskrar ei bøn for oss båe.
Gjennom deg
Er eg bunden til livet,
Gjennom deg
Må eg ein gong få løysa det ut.

Av:Signe Seim

Hadde berre litt lyst å dele eit fint dikt med alle der ute som er mødre, har mødre, har born, er born....

Eg har jammen masse rot!

Men ikkje så masse at eg har rydda sidan sist eg var her altså! Men det har vore litt vel travlet i det siste så blogging har kome litt ned på lista over prioriterte oppgåver (dessverre). Men no kan eg vise skapet (og litt av alt rotet som var i det gamle...). Brukte faktisk ein heil sundag på å rydde utav og inni samt vaske og skure det "nye" skapet.... Eg har jo litt fargerike ting og tang òg...Nedanfor eit arva servise som eg ikkje heilt har akseptert på kaffibordet enno...men det får modne litt så kanskje...

Her er det, og slik vart det:
Eg har faktisk ein smart og (litt) nevenyttig mann, så han fiksa deler av det gamle skapet slik at eg fekk ei hylle som kunne stå oppå dette skapet! Lurt! Og eg fekk endå meir plass. Det ser kanskje ikkje sånn ut på bilde men skapet er veeeeldig romsleg, tre hyller på eine sida og to hyller pluss to skuffer bak andre skapdøra...Så vart det litt sånn shabby som eg likar det....trur blåfargen får vera på ei stund....
Eg la litt "hyllepapir" inni både skuffer og hyller (berre vanleg litt tjukt gåvepapir frå Panduro).
Til sist vil eg vise dei nydelege rosene eg fekk av ei god veninne som var innom her ein dag. Det er sååå kjekt å få uventa blomar!! .... så fine og rosa! Det er berre å nyte!

Morsdag-blomane kan eg ikkje vise for dei er nesten visna...men ettersom me alltid har ein far her i huset som har bursdag enten på morsdagen, rett før eller etter (i år vart det akkurat på morsdagen)så vert ikkje mor særleg lagt merke til ein slik dag...(men det må eg vel tole...??) Eg trur eg skal arrangere morsdag ein dag i mars istaden...(hi hi) Så får eg ein dag heilt for meg sjølv...

Ha ein fin fin dag alle saman! Og tusen takk for koselege kommentarar, det er alltid like kjekt og overraskande at nokon faktisk kjem innom til meg...(tjihi)