God helg!

Det er ingenting som ei helg utan planar!! Og når me står opp i 6-tida både helg og kvardag, så vert dagane laaange og ein rekk utruleg mykje på ein dag! I dag for eksempel rakk eg å rydde i vetlatrultemor sine klede, kaste det som er for lite og (legge vekk noko...) rydde i mitt klesskap, og sist men ikkje minst rydde i eine kottet. Der det står kasser med gamle klede og tull og tøys...no er det tomt! Jippi!

Og i dag skein sola så utruleg fint her hjå oss...og på denne tid av året lengtar eg alltid etter ein skitur.

Og når eg var ferdig med så mykje alt før klokka 11, så rakk eg jammen å ta meg ein skitur medan vetlo sov (og pappen passa på her heime sjølvsagt). Ein nydeleg tur i skinnande sol....

Slike helger er gull verd! Neste gong skal alle få lov å vera med....men i dag var det berre min tur til å lade batteriene i fred og ro i sola...

No sit eg med ein kopp kaffi og nyt dei fine nellikane som eg kjøpte forrige helg. Dei held seg utruleg fint, må seie at nellikar er skikkeleg undervurderte blomar!! Nett lika fine om ikkje finare, etter ei veke...

Ynskje alle ei lika fin helg!!

Eit (før og-) etter-prosjekt...

Det går ein trend i bloggland om å vise alle våre før-og-etter-prosjekt, og etter inspirasjon frå alle dei andre....Viser eg mitt ...(før og - ) etter-prosjekt. Men eg har sjølvsagt berre bilete etter...Puffen er frå mi farmor sitt hus, den var kvitmåla eingong seint på 80-talet, og ber nok preg av det...Men så er det slik at eg likar litt slitt maling, og då passar det jo perfekt.

Frå begynnelsen av var det eit stofftrekk på denne som vart fjerna på 80-talet. Og ungane her har brukt den som nattbord lenge...Men no var det på tide å få tilbake både vatt-fylling og stofftrekk.

Forrige helg stod me på farten og skulle nå ei ferje, men eg måtte berre nett "pusse opp" denne puffen først... så vart trekket stifta utanpå eit tjukt lag med vatt. Stoffet er ein gamal duk eg har hatt lenge (så slapp eg å sy ...), det tok omtrent to minutt...eg vrengde av stoffet på ei sofapute (eg har vore litt misfornøgd med...) tok den med bort til symaskina, fant eit stoff og sydde trekk til puta...det tok omtrent tre minutt...

Vips! Så måtte me springe ut døra for å nå ferja...

Mange vil nok seie at hastverk er lastverk, og eg kan nok vera einig i det. Men hjå meg er det slik det foregår....sjølv om eg har god tid, så føler eg at eg MÅ skunde meg å bli ferdig! Veit ikkje om eg er den einaste som har det slik?? Men puffen vart fin nok den...likte at det kom litt lilla bort i sofakroken...og kjekt med oppbevaringa under lokket på puffen.

Kanskje eg klarar å ta meg betre tid med neste prosjekt?? Kven veit....?

Lappverk...

No har bihulebetennelsen endeleg bestemt seg for å la meg sleppe å bli plaga lenger....phu! Men for all del, når ein sitt slik å berre kjenner på verking så er det jo godt om ein klarar å få tankane over på noko anna...

Og det har eg gjort! Eg lova meg sjølv at eg ikkje skulle hekle noko før eg var ferdig med perlebingkluten til eldstejenta sin konfirmasjon. Og NO er eg endeleg ferdig med den! Takket være bihulebetennelsen, faktisk...haha...(satt i ro leeeenge nok...).

Men som innlegget i dag viser, så er det ikkje bringkluten eg er mest oppteken av. Eg er så glad for at eg ENDELEG kan hekla igjen!!

Som nokon av dykk hugsar så byrja eg på dette teppe for leeeenge sidan, då berre i rosa, brunt og kvit, no kom lappane fram att og eg har supplert med lilla og grønt. Det er rart med det, eg bestem meg ofte for at eg berre skal bruke tre fargar så endar eg alltid opp med fleire. Trur det vert for kjedeleg å hekle same fargane...No når eg ser oppskrifta att, skulle eg ønske eg berre hekla det i EIN farge...ja, ja eg kan vel hekle eitt til...?? Ein gong...

Eg veit ikkje kor stort eg vil ha det, men eg vil hekle dobbelt så mange lappar som eg har no iallefall....Kan bli eit skikkeleg koseteppe til sommaren. Det er veldig mjukt og fint, hekla i dobbelt alpaca garn...

Oppskrifta har eg funne på Drops sine sider...Alltid kjekt å finne gratis oppskrifter. Anbefaler alle ein tur innom dit.

Ha ei fortsatt fin veke alle som er innom!

Ting me kan gjere utan å forlate huset...

Ja det går ei stund mellom innlegga for tida, eg er ikkje frisk att. Og dette tærer på humøret...for å seie det mildt.

Men over til noko som er kjekt! Ein kan gjere mykje om ein berre klarar å karre seg bort til datamaskina... Og når vinterferien består mest av snytepapir og paracet, så treng nokon å einkvar ein liten oppmuntring. Hihi...eg la inn ein bestilling hjå den kjekke nettbutikken NettPynt, den kan du lese meir om i den kjekke bloggen Lykke og Lykkeliten....

Eg kjøpte blant anna desse fine matboksane til vetlatrultemor. Dei kjem frå Blafre-designe og er kjempesøte, synes eg. Kofferten er litt stor slik at matboksen får god plass, og endå er det plass til eit eple og ein yoghurt! Supert! Eg blir glad av motivet og fargane...(og kanskje litt friskare...??)

Så for å få meg sjølv i ekstra godt humør og tilføre litt vårstemning her i heimen har eg kjøpt ein stooor hortensia til stovebordet (den er ikkje kjøpt på nett altså...haha). Den skal få stå å spre friskheit og glede med sin nydelege lysblå farge...

Sidan ferien sluttar i dag, håpar eg på ei friskare og meir effektiv veke som kjem!

Vinterferie...

Her har me vinterferie denne veka. Men me får ikkje gjort så mykje, vetlatrultemor er ikkje frisk, og mor sjølv har vore sengeliggande nokre dagar.... Ikkje kjekt!

Eg hugsar då eg var liten og var sjuk, så synes eg det var så rart at, om eg kunne ønskje meg alle ting og pengar i verda, så ønskte eg berre å bli frisk att. Det samme gjeld faktisk enno, når ein er sjuk set ein alt i eit anna perspektiv...og faktisk endar alltid opp med å ønskje at ein vert frisk att fortast mogeleg....

Difor ikkje så kreativt bilete i dag, låg på golvet og prøvde å vera litt kjekk mamma (med hovudverk, rennande nase og verk i kroppen...), eg såg sikkert ikkje særleg kjekk ut..hihi. Men når trultemor leika med koppane sine passar eg på å ha fotoapparatet i nærleiken...

Håpar på friskare tider snart...

Natur...

Vil berre vise den flotte vetle krakken eg kjøpte saman med alt det andre i forrige innlegg. Den vart min for berre 15,- kroner! Synes den har ein kjempefin naturleg slitasje...som ikkje skal malast over! Den skal få stå i gangen og bli fast plass til dei fine støvelettane til vetlatrultemor...

Det var ei stund nesten bannlyst med "tre-farge" her i huset, alt skulle malast kvitt kvitt og kvitt. Men NO kjenner eg at eg er på veg til å synes at tre faktisk er kjempefint! Når basen er lys og lett er det kjempefint med ein møbel i tre, ei bordplate som ikkje er mala, eller ein krakk og eit dreia fat med ljos oppi....

Eg synes det er det som er spennande med interiør og innreiing, at me faktisk er i stadig endring.

Ha ein flott dag alle saman!! Og ei riktig god helg!

Når katten er vekke, dansar musene på bordet...haha..ja me må jo finna på noko kjekt! Om me ikkje akkurat dansar på bordet, så ligg me iallefall mykje på golvet...hihi. I dag har me kasta alle sofaputene på golvet og så hoppa og rulla me litt....

Vetlemor har ikkje vore i form, så ho treng litt oppmuntring. Elles går ho berre rundt og spør etter pappa og "joha..." (som er det ho kallar storesyster for tida...). Men dei er snart tilbake håpar me....

Eg lova å vise bilete av bruktfunna mine, og her kjem dei...(manglar visst ein ting ser eg...men men...). Fyrste bilete er eit broderi eg fant, synes det var så fine fargar. Det er ikkje montert på noko, så eg kan gjere med det kva eg vil. Tenkte kanskje eg skulle ha det på veggen?? Eller i ei pute??...

Så kjem ei herleg pute! Synes fargane i denne var så tiltalande..den er liten og avlang. Og faktisk kan den passe inn kvar som helst...

Så fant eg ein skikkeleg retro-stol....eller det var det dei opplyste om at den heitte, hihi..eg bryr meg faktisk ikkje kva dei kallar den. Men for ein hundrelapp vart den min...(litt dyrt til å vera meg..men men..)

Trur den vil passe ypperleg på kontoret saman med den kvite runde kontorstolen min...

No må eg stulle og stelle litt for vetlatruto...men ho er på bedringens veg, trur eg...

Ha ein fin fin kveld alle saman!! Takkar og bukkar for kjekke kommentarar....utruleg kjekt at nokon kikkar innom av og til!

Fleskesundag...

Ja, eit gamalt namn på fastelavn er "fleskesundag" eller "feitesundag". Så i dag kan me trygt ete alt me orkar av krem og bollar..hihi...Nei eg har ikkje tenkt å eta så veldig mykje, men deigen er sett til heving...

Det har vore stille her i nokre dagar, og litt i mangel på gode foto så seier det seg sjølv at det ikkje vert mykje blogging. Men eg har faktisk vore å skaffa meg nokre nye bruktfunn, men dei må vaskast og skrubbast litt fyrst, før eg plasserar dei i deira ny miljø.

Eg går ei ny veke som åleinemor i møte, for pappen og eldstejenta skal til Rikshospitalet att...ikkje så kjekt, men må ein så må ein. Det er vel noko eldstejenta her i huset har fått erfare på det sterkaste...

Men i dag har me ommøblert i stova og vaska i huset, slik at alt ligg til rette for ein koseleg ettermiddag med bollar og krem...

Kjem snart tilbake...

Forandring fryder...

Ja det er sikkert og visst! Det skal ikkje mykje til for å gjere dagen litt lysare og stova litt "nyare"...ein spegel frå Fretex for eksempel...eg hang den rett og slett i stova over skapet...Den fekk eg til kr 15,- ! Kjekt!

Kakefatet på stett kjem frå IKEA, og den store mugga er arv frå mi oldemor... Det høyrde med eit vaskefat, men det er dessverre knust...(ikkje av meg heldigvis...). Synes runde speglar er fint eg...

Ha ein fin sundag i snøen! Her har det lava ned i natt...jippi!

Heisann! Her har dagen gått med til årets fyrste skitur! Supert føre og nydeleg vær. Gradestokken viste minus 10, men det gjer ingenting så lenge ein ikkje frys. Vetlatrulto var òg med, men denne gongen berre på akebrett...

Litt dårleg mobilbilete...men men...fantastisk flott på fjellet iallefall!!

Det var eigentleg ikkje kjøkkenet eg ville vise i dag, men når eg fyrst stod der ute med kamera og godt dagslys så knipsa eg litt "vilt" rundt..hihi. Prøv å ikkje sjå at tavla på døra heng på "halv åtte", den er nemleg hengt opp med borrelås-tape, og kan difor enkelt rettast opp att...(veldig lurt om du ikkje vil spikre i f.eks ei dør).

Elskar den fine brødristaren min frå Kitchen Aid, den er dagleg i bruk og står difor på disken.

Ein liten fargeklatt på veggen, med små plast-tallerkar frå Søstrene Grene og fil-de-fer-hylle (heiter det det??) frå Hjem Kjære Hjem ....

Det eg eigentleg ville vise i dag var mitt siste nypåfunn i heimen. Mange har gjort dette før meg, og inspirasjonen kom eigentleg frå Stoff og Stil-katalogen...eg har stifta ein voksduk til kjøkkenbordet! Har alltid ønska meg ein slik liten stiftepistol, og no fant eg den eg kjøpte rett før jul. Den måtte jo berre brukast til noko...

Mannen i huset har syntes at slike voksdukar berre er tull og tøys, ettersom den flyttar på seg når han tørkar av bordet (jadå visst er han flink...). Men NO var han superfornøgd med mor i huset! Han kunne lett tørke av bordet samtidig som han slapp å sjå at bordet sårt kunne trenge ein omgang til med målarkosten, og duken låg heilt stille!...tjihi!

Tulipanane har no avgått med døden...og er fjerna frå vindaugskarmen for dei som lurte på det...haha

Så var huset stille att. Full fres i helga med bursdagsfeiring til 40-og 15-åringen. Det gjekk heldigvis bra å ha selskap både på dagen og på kvelden...men det er takket være god planlegging...

Eg er eit typisk list-menneske. Eg skriv lister over alt mogeleg, og ihvertfall når noko skal skje! Då blir det til laaaange lister som heng på kjøleskapet medan planlegginga pågår...det finnes gjere-lister, handle-lister, bake-lister og ikkje minst kva-eg-har-gjort-lister! Men eg må seie at når eg har skrive alt ned så søv eg godt om natta, i trygg forvissing om at alt er nøye planlagt...

Men no går me heldigvis ei stille veke i møte, med ingen planar for helga!! Utruleg godt! Eldstejenta skal på konfirmantleir midt i veka, og me håpar det går som planlagt...

Her er restane av morsdags-buketten eg var så heldig å få i år!! Det skjer ikkje kvart år...men utruleg kjekt når nokon klarar å hugse på det utan at me kviskrar om det på førehand....Buketten kom godt med som bordpynt til bursdagsferinga.

No håpar eg at alle der ute er friske og raske, her hanglar me litt etter helga, men håpar me står over det verste denne gongen....

No skal eg lese den nye Stoff og stil-katalogen! Har høyrt den er så fin i år...

Ynskje meg litt inspirasjon...

Vinterstemning

Det er berre så utruleg freistande å ta bilete når det er sååå fint vær! Dette er frå Vossaturen vår i helga.

Eg og vetlatrulto overlot huset til ei gryande 15-åring og nokre venninner. Pappen var ikkje langt unna altså (er ikkje heilt galen heller...hihi). Pappen sat oppe i 2.etasje mesteparten av kvelden...for å halde oversikt over situasjonen...hihi. Og storebror vart forvist til sitt eige rom saman med PCèn den kvelden (ikkje at han hadde så mykje i mot det då...)

Men ho har ikkje bursdag før i dag! Grattis jenta vår!! Men feiring med resten av familien, tanter og søskenbarn og besteforeldre skal skje i helga...Men me må jo lage litt kos i dag òg, litt god middag og god dessert blir det nok.

No får eg bake litt eg då...

Ha ein fin dag!

Søndagsarbeid...

Me skal ha konfirmasjon til våren! Hjelp! Jadå, Me har hatt ein konfirmant for 3 år sidan òg...men då vart det ikkje så mykje arbeid med klær (han hadde leigd bunad..). Denne gongen er det eldstejenta som skal til pers, og då har mor sjølv teke på seg litt av arbeidet. Eg har vist bringkluten før på bloggen, men eg trur ikkje eg var kome så langt som no...

Sjølv etter at bileta er tekne har eg sydd mykje lenger. Men det er utruleg kva tid som går, eg brukar nesten ein time på EI RAD! Så om eg rekk ca 3 rader på ein ettermiddag kveld, så er det mykje...

...har 22 rader att...håpet er å bli ferdig til utgangen av februar. Då står ein haug med kjekke koslege herlege hekleprosjekt klar til å ta over!! Og det gler eg meg sånn til! Difor må eg sy i kvar ledige stund...

Tudelidu så lenge!!