Kveld

Eit lite livstegn frå meg i kveld. Synes ikkje eg får tid til å oppdatere ofte nok, eller kikke innom alle dekan der ute i bloggverda... Men som kjendt så går alt opp og ned her i livet. Ihvertfall i rykk og napp, slik er det iallefall med meg.

Men eg kosar meg når eg får tid til å sjå gjennom bilete og styra litt med fotoapparatet, og ikkje minst blogge litt! I kveld har eg teke bilete av ein liten haust"pynt" på bordet. Eg eksperimenterte litt med kamera, og enda opp med to ulike ljosnyansar...spennande å leike seg litt!

Beinrestane er frå ein auksjon tidlegare i sommar, den største kongla kjem heilt frå sommarferien i Danmark, og dei andre konglene frå skogen rundt huset. Og sinkfatet har eg fått/el lånt av mammo....

I ettermiddag har eg og dokkemor rusla rundt i hagen, me har vore ein tur bort til nabohesten og snakka med fleire av nabodamene. Det er så kjekt å bu slik at alle kjenner alle...og husa har namn. For det har dei her hjå oss...Bente sitt hus, bestahuset, Thomashuset osv...det er sjølvsagt vetla dokkemor som har namn på husa, men kjekt er det iallefall.

Ynskjer alle som ein ein koseleg haustkveld.

Vel førebudd til jul..

No var den vetle mini-husmor-ferien over for denne gong, både eg og jentene har hatt ein koseleg tur til mamma/bestemor. Men det er alltid godt å kome heimatt...Og bilete i dag er av ei dør...


Denne fine vetle døra høyrer til denne flotte kyrkja:

Synes ho var så staseleg og fin der den stod saman med julepynten på loppis forrige helg. Den er laga av metall, slik som gamle leikebilar er laga av. Ein lyfter av taket og set eit ljos inni, slik at det skal skinne ut dei fine raude vindauga...

Men på baksida er det ein artig detalj, nemleg eit trekk-opp-maskineri...den virkar ikkje no, men det hadde vore skikkeleg kjekt å høyra kva for ein song som kom ut av den! Det ser ut til at alt er der, men den manglar nok ei fjør...men kanskje nokon veit kor ein kan fiksar slike speledåsar?? Hadde vore koseleg med ein fin gammal julesong...

Eg tenkte eg skulle bruke kyrkja til julepynt, saman med krybba frå i fjor, kanskje? Og sjølv om eg synes den var fin, så har eg sett den ned i kjellaren saman med julepynten, så har eg noko å gleda meg til...hihi..

Her har laurdagen gått med til bl.a. henting av eldstemann som har vore på hytta nokre dagar med venner. Snø i fjellet, og mor på vinterføre utan piggdekk...hjelp! Men det gjekk bra, eg har jo vinterdekk...(men eg stolar ikkje heilt på dei enno...).

Og i kveld er familien samla under eitt tak...iallfall nokre timar...kjekt!

Ha ei fin laurdagskveld du òg!

Då var turen komen til stol nr 3...dette er vel meir ein krakk, men eg er kjempefornøgd med den. Den har allereide fått plass rundt kjøkkenbordet vårt. Og var akkurat det me trengde når eldsteguten vår er heime på haustferie...stol til alle, hihi.
Den er akkurat passe slitt i malingen, men stødig og fin. Heilt utruleg at det ikkje går å lage like stødige stolar i dag...? Kanskje eg ikkje handlar i dei rette butikkane..?? Men eg synes faktisk dei laga mykje meir solide saker før...(dette er jo eigentleg ei sak for miljøaktivistar...og ikkje ei lita bloggedame...haha) I dag er me på veg heim til mammo. Eg håpar ho har fått med seg at me kjem...? Eit par dagar hausferie og litt husmorferie...Me gler oss. Men både storebror og pappa blir heime og passar huset.

Ha ei super veke vidare de òg! Så kjem eg snart att...

Hmmm...

Eg viser loppe nr 2 i dag. Nok ein stol...Men den er eg meir usikker på. Angra nesten med ein gong eg hadde kjøpt den...men då var eg så forkava at eg tenkte; gjort er gjort...haha. Men berre ein 50,-lapp for denne òg. Eg synes endeleg den er fin, men eg veit at mamma har to slike stolar ståande hjå seg...(som eg sikkert kunne fått...). Dessutan har dei ein finare mørkare brunfarge...

Men stolen er heil og fin, passar igrunnen godt inn (litt for godt etter min smak faktisk....). Eg er jo ein av dei få bloggdamer som har beige ektorp og ikkje kvit...så det vart litt FOR beige her i stova liksom...Men me får sjå, kanskje store-vetle-guten vår vil ha den på hybelen sin...??

Men foreløpig står den i stova, nyvaska og fin (eg ser ein mørk flekk på den, men det er nok vetla-trultemor sitt arbeid...). Trulto synes forresten det var stor stas å snurre rundt oppi den, enn så lenge...

Ha ein fin kveld vidare...ein dag att før haust-mini-ferie for min del!

PS Bilete i bakgrunnen på det siste bilete er eit av eldstejenta sine verk...

Fyrste loppa...

Heisann, der var eg igjen. Kunne berre ikkje vente lenger med å ta bilete av denne kuule stolen! Ja eg seier det rett ut, eg synes den er råfin! Sa akkurat til mannen min før eg reiste på loppis at eg håpa eg ville finne ein slik gamal regulerbar skulestol. Og gjett om eg vart glad då eg fant ein!

Det er så mange fine detaljar på stolen. Den er heilt original og fungerar utmerket...Hjulene trillar perfekt. Eg veit ikkje kor gamal den er, men tippar den var i bruk på ein skule kring 60-talet ein gong...??(kanskje eg tek heilt feil?) Men eg synes iallfall den er superfin...

Enn så lenge skal den få stå i stova ei stund, i håp om å spre ein litt meir industri-look over oss...Kanskje eg skal ha den på mitt (om ei stund) nye kontor? Me får sjå, men dette var iallefall ein av dei fire stolane..hihi..eg kjem att med innlegg om dei andre.

Akkurat no er det ei lita tutte som vil ut...Ha ein fin fin dag alle som kikkar inn!

Ei lita oppdatering:

PS Den kosta meg kun 50,-...er det rart at eg er lukkeleg?!

Loppelaurdag

Det er ikkje akkurat loppene mine eg illustrerar dette innlegget med, men derimot ei veldig oppslukt trultemor. Ho elskar havregraut, og når pappen er så raus med blåbærsylta som her, ja så går den ned på høgkant...hihi..

Eg har endeleg fått vore på mitt fyrste loppemarked denne hausten, jippi! Eg og trultemor trossa ruskeværet og køyrde avgårde på loppis. Det var maaasse folk som vanleg, og når ein går med ei bitta lita jente i handa er det ikkje lett å få ruska med seg saker og ting i farten...men etter fyrste turen inn hadde eg ikkje mindre enn 4(!) stolar + vetletrulta med meg ut att...haha. Du kan tru eg tok meg ut...

Men eg fant altså litt forskjellig anna òg...men det mørkna før eg fekk fotografert sakene.

Så i kveld skal eg berre krølle meg opp i sofaen, fyre i ovnen og nyte haustregnet som plaskar ned. Håpar de får ein lika fin kveld som meg!

Opera og Mamma Mia

Hei, igjen! Det har visst gått over ei veke!! Utruleg! Men eg har faktisk ein god unnskyldning denne gongen, me har nemleg vore ein jentegjeng til Oslo på MAMMA MIA! Utruleg kjekt! Og ein slik avslappande tur hadde eg veldig godt av kjenner eg...Me vart bussa til Oslo fredagen og tilbake søndag, ingen plikter utan å møte på Folketeateret på laurdagskvelden. Det gjorde faktisk godt!

Utanom litt shopping så prioriterte me å sjå den nye opreaen...sidan me skulle i den gamle på kvelden, då var det litt kjekt å sjå skildnande...(og det var forskjell!). Utanom ei utruleg sur og lite service-innstilt dame bak disken i kafeen på den nye operaen, var dette ei kjekk oppleving...

Eg drista meg til å vise meg sjølv i (nesten) heilfigur...veit ikkje kva som er skjedd med bilete, men det skjedde då eg la det inn her...handleposane mine vart "sladda"...HAHA! (Hadde sjølvsagt tunge posar frå Indiska og H&M med på operaen...hihi...sånn er det når me er "bønder i byn"...jaja...godt det ikkje visar då...

Håpar eg kjem sterkt tilbake...!!

Snakkast!

Litt oppfrisking av barnerommet

Vips så kom det eit innlegg.

Eg ville berre vise at veltadokko vår har fått HEILT eige rom. No slepp ho å dele med meg og kontoret mitt! Ho er så kry! Senga hennar har fått plass i eine kroken, men for at det skulle vera litt anna enn kvitt på rommet, har eg hengt opp eit stoff eg kjøpte på "stoff og stil" for ei tid sidan. Samt dei fine kina-damene, som eg har klipt ut av eit anna stoff kjøpt på same staden, eg strauk litt vliselin (heiter det det??) bakpå og vips vart dei litt stivare. Synes dei pynta litt opp på veggen over senga.
Den søte lampeskjermen er eit bruktfunn som endeleg har fått ein plass. Den har vandra frå rom til rom og til slutt ned i kjellaren...men på eit jenterom passa den fint. Den gjev eit nydeleg lys, med svakt rosa skinn, som passar akkurat til lesestunda om kvelden. For tida er det mummitrollet som er den store favoritten.

Sengeteppet hekla eg då eg gjekk gravid. Det er vel heller eit av dei mest fargesterke teppa eg har hekla, og det som tok lengst tid. Det er hekla i tynn babyull, men det passar perfekt på den vesle senga...

Ynskjer alle bloggvenner ein kjekk kveld vidare!

Hej då!

Eg må seie eg beundrar alle dei flotte bloggane der ute som klarar å oppdatere bloggen sin kvar dag! Utruleg prestasjon! Skulle fått ein lita oppskrift på korleis dei gjer det?...eg er dessverre ikkje så effektiv...for tida slit eg med å finne gode fotomotiv, og eg klarar ikkje sjå huset mitt frå nye vinklar...haha..nokon som kjenner seg att??

Som de ser av bileta i dag så har våpenkista frå mammo fått ein plass...i stova, under vindauga. Der kan vetladokko sitja å sjå ut glaset (å vente på at pappen kjem...). Dette er noko ho gjer titt og ofte (han jobbar lange dagar), og innimellom dekkar ho på til dokkene sine på "benken".

Puta sydde eg i sommar av eit stoff eg kjøpte på ein dødsbu-auksjon. Den har vore ute-pute heilt til no...Og kanina i vinduskarmen er frå Åhlèns, og er ei sparebøsse for småjenter som elskar myntar av alle slag...

Elles fekk me oss ein super fjelltur i går, i nydeleg sol. Men eg kjenner at vetlatulto ikkje er så pitteliten lenger...ho sat i bæremeis heimover og skuldrer og nakke kjenner det i dag...hihi.

Ha ein fin fin sundag!

Ettermiddagskos

Hei igjen! Er nett ein svipp innom bloggen for å vise at eg er her. Det viser eg med eit bilete frå gårsdagens ettermiddagskos. Eg er nemleg ei av dei som elskar å kose meg etter middag...nyte ein stooor kopp kaffi, tenne eit ljos etter at eg har plukka nye blomar frå hagen, og berre nyyyte ettermiddagen ei lita stund.

Tida går så alt for fort no på denne årstida, ettermiddagen vert litt kortare for kvar dag, men kosen min MÅ eg ha! Etter kaffikoppen går gjerne eg og vetladokko ut på sykkeltur, ho har trehjulsykkel og eg har tonnevis med tolmodigheit..hehehe...

Nevnte eg at sjokolade ofte er ein del av kosen?? Eg klarar berre ikkje la vera...hmmm kanskje det kan vera eit framtidig mål å trappe ned? Men enn så lenge kosar eg meg...

Håpar du kosar deg der ute òg! Ha ein fin ettermiddag.

No skal eg på foreldremøte...

Extrem-helg

Sidan det er fridagen min i morgo kan eg slappe litt av i kveld...Difor kjem ei oppdatering på helga som gjekk. Og det var akkurat det eg gjorde, gjekk og gjekk og gjekk....nærare 5 mil(!) i fjellheimen denne helga! Eg er ikkje så reint lite stolt over å ha gjennomført eit slikt extremt løp som dette (link til Vøringsfoss-race ligg i forrige innlegg...). Tre dalar opp og tre toppar å bestige på tre dagar.

For alle som bur vestover her som meg, så veit dei at både fredag og laurdag var det eit forferdeleg regn og unnskyld uttrykket; drittvêr... Men på tross av alt dette vêret så vandra me til fjells opp og opp og opp...(for det er eit motbakkeløp...). Det er vel ingen hemmelegheit at eg angra eit par gonger der oppe i stiv kuling med regnet piskande rundt øyro... Men når søndagen kom og sola stråla frå skyfri himmel var det berre herleg å få lov å ta turen til fjells att for tredje og siste løp.

Men det tek nokre dagar å kome til hektene att etter slike prestasjonar...så kjøkkendørene mine må nok vente til helga att, før eg pussar og maler dei igjen...

Og i kveld har eg baka rundstykker og no skal me kosa oss...

Kjem snart att..

Litt maling på kjøkkenet...

Så var jobben med det eine skapet nesten ferdig (skapet over vasken). Viser berre bilete utan skapdører, for dei må dessverre pussast litt...etter at eg var uheldig med fyrste størk, slik at det rann maling som no er størkna nedover skapsidene...irriterande! Men slik er det når ein har litt hastverk...

Fargen er heilt kvit, med glans 80. Slik håpar eg at eg får dei glatte blanke skapene eg vil ha...ikkje dei lettare gule som kom snikane etterkvart som kvitfargen gulna...Eg trudde jo skapene mine var kvite eg, men det viste seg å vera feil. Utruleg kor kvitmåling gulnar!

Skulle tru me alle sat å røyka 20 om dagen her inne, når du ser gulfargen på bilete nedanfor her....

Veggane skal eg ta ein anna gong, men no heiter prosjektet: eitt-skap-om-gongen-til-dei-er-kvite-og-blanke... Det som er bonus med å male skap er å få ryddae skikkeleg i dei. Ovanfor her er "beste-servicet" mitt..hihi...ikkje spesielt dyrt eller noko, men det har seg berre slik at det har eg alltid brukt kun til jul/påske og høgtid...då er det kjekt å halde på den tradisjonen.

Sjølv om smaken har endra seg opp igjennom åra har det alltid vore kjekt å ta fram dette frokost-serivcet får å verkeleg finne stemninga...

Då håpar eg mamma fiksar meir maling...og tek ein tur snart?! Hihi... Så vert skapet under vasken neste prosjekt...men det vert definitivt ikkje denne veka!

Til helga har eg planar om å vera med på Vøringsfoss-race...(forstå det den som kan...hjelp!).

Ha ei fin veke vidare...

Her er bilete frå eit prosjekt som saaakte tek form...Planen er å lage eit sengeteppe av alle desse hekla lappane. Idèen fekk eg frå eit interiørblad...(eg trur slike tepper er avbilda i fleire faktisk...) Men eg hugsar dessverre ikkje i kva for eit eg såg det i. Men men, eg synes ideen er kjempegod! Spesielt for oss litt utolmodige sjeler som helst skulle vore ferdig med noko i går....

Tanken var jo at eit slikt teppe skulle gå fort, men no har eg hamstra alle heklabrikkene på Fretex (skikkeleg dyrt faktisk, hrmf...), så no må eg leite i skuffer og skap hjå venner og kjente..hihi...eller meg sjølv..Så det tek visst litt tid likevel.

I dag fekk me ein uventa dag heime, vetla dokko vår hadde feber i natt, og var pjusk i dag tidleg. Stakkar liten sovna på sofaen...me håpar ho søv det av seg i løpet av dagen.

Men ein uventa fridag er jo gull verd! Så medan ho søv har eg teke for meg eit kjøkkenskap, vaska og malt. Håpar eg rekk andre strøket før middag...Skal ein bli ferdig må eg ta eitt og eitt skap. Så håpar eg at alt er klart til jul...haha! Bilder kan eg vise når eg er ferdig...

Ha ein fin dag!

Helg igjen...

Så var det helg igjen! Det høyres kanskje ut som eg klagar, men det gjer eg absolutt ikkje! Det er herleg med helg, og når dagane i vekene går så fort så må det jo berre bety at me har det bra! Eller? Hadde det vore bale, hadde vel tida gått utruleg seint, trur eg...

Ville vise bilete av den nye ovnen vår, den vart innvilga (brent i for fyrst gong) her om kvelden, det endte med at me sat å lufta, med altandøra på vidt gap resten av kvelden! Så den virkar iallefall...hihi..

Det vart så utruleg varmt. Spes når mannen i huset er så ivrig å fyre at han gløymer å sjå på gradestokken ute....(+17 grader...)

Eg håpar han vert like ivrig når kulda kjem...haha..

I helga skal me avgårde for å feire eit lite søskenbarn som blir 4 år! Hipp hurra! Og vetlatrulto her i huset gler seg stort, ho ser for seg pakker og kaker... me får håpa ho forstår at pakkene ikkje er til ho denne gongen...

Storesyster er på overnatting hjå venner, og storebror er på hybelen sin for tredje helga på rad. Kva skal ei stakkar mor gjere med at ungane veks...? Heldigvis har me ei som treng oss enno...og i kveld blir det ørlite fyr i ovnen og berre kos!

Til alle bloggvenner der ute; Eg er superglad for alle kjekke kommentarar, dei varmar skikkeleg! Eg håpar berre at det kjem litt oftare innlegg framover...

Ha ei god helg alle saman!

PS Rosene kjem frå hagen...