Gangen vår..

 Som dei som har vore innom her før kanskje veit, så bygde me på huset i haust.

Eg har igrunnen litt dårleg samvittigheit for at eg ikkje har vist så veldig mykje anna enn kjøkken av det tilbygget.

Men det har sine grunnar...

I dag dristar eg meg til å vise litt bilete frå gangen vår.

Eit rom det skulle vise seg litt vanskeleg å møblere...

Me har valgt å sette opp eit klesskap frå IKEA, det heiter konsmo...

Eg berre måtte få vekk mesteparten av kledna i gangen, og det var det einaste skåpet eg synes var litt fint...



Me har eitt trinn ned frå skapet og til nytilbygget...og resten av gangen.

Her kikkar du rett inn på kjøkkenet frå gangen, eg står med ryggen til ytterdøra...

Elektrikar er ikkje ferdig enno (uendeleg laaang ventetid, visst...), difor stikk det litt ledningar opp her og der...

Trinnet ned har me kledd med ei metalllist laga av ein blikkenslager, den er lik som på kjøkkenet.

Ein av dei tinga eg kanskje angrar litt på i gangen vår, er at me ikkje sette inn eit vindauge ved sida av ytterdøra...

Litt vanskeleg å få godt foto-lys her..

Måtte berre avslutte med nokre litt vårlege bilete...

Sola skin veldig godt innimellom litt regn her hjå oss.

Kjenner at det er reine vitaminbomba å sitje ute i sola no.

Snøen er nesten heilt vekk og eg ser at det spirer og gror i hagen.

Elles i helga har me alle vore samla under same tak att, storebror, eldstejenta og dokkemor, eg kan ikkje få det betre!

Gullklumpane til mammo vil dei alltid vera, same kor store dei blir!

Ei ny veke står for døra,

ein må berre stupe i det...

Håpar veke blir bra!

Klem til deg!



Eit hekleprosjekt ferdig...

Dei som har kikka innom meg ei stund, hugsar kanskje desse bestemorrutene?

Det er nemleg ei stund sidan eg byrja på det som kanskje skulle bli eit teppe til dokkevogna til trultemor...

Men av og til strandar prosjekt, og eg blir berre lei...

...mest lei av å feste alle trådane på kvar lapp.

Men eg måtte jo gjere noko med dei som var ferdige,

difor hekla eg like godt eit bakstykke i beige og oransje,

sydde alt saman...

Så vart dei ei pute i staden...

Ferdig!

Eg likar ikkje å ha slike halvferdige prosjekt liggande, spesielt ikkje når eg er byrja på eit nytt.

Trur eg får dårleg samvit av alt garnet eg "sløsar" vekk...

Det er ikkje måte på alt ein skal tenke på...

Eg likar fargane på puta, men veit ikkje heilt kvar den skal vera.

Den får leva sitt liv litt rundtomkring...

I går hadde me eit nyydeleg vêr!

Eg fant ein ny plass i sola.

Etter at me bygde på i fjor haust, vart det liksom litt nytt ute òg...

(ei midlertidig trapp laga av mor sjølv, ser de på det eine bilete...hihi, kanskje ikkje så fin lecastein?)

Sjølv om det snøar lett ute no, vel eg å tru at våren er komen!

Eg gler meg uansett!

Medan regnet pøsar...

Litt kvistar frå kirsebærtreet vårt fekk bli med inn i dag.

Me har vore ute og plaska, spadd og hakka is...

Det høyrer med ein liten luftetur på fridagen vår...

Kvistane er banka i enden i håp om at søte små kirsebærblomar skal sprette ut i stova, eg har fått det til før...

Håpar...

Ny oppvaskklut er i produksjon, ny farge denne gongen..

Den vart grønn fordi det var den einaste fargen dei hadde att i bommullsgarn i denne vesle bygda vår.

Men grønt er jo fint...

Minnar om våren som kjem snart.

Me har syndeflod her for augneblinken, det verkeleg pøsar ned.

Vatnet fant til og med vegen inn i kjellaren vår...

Ikkje morro!

Me brukte nokre timar på å grave og hakke oss gjennom isen, slik at vatnet fant ein anna veg.

Heldigvis ingen store skadar...

Difor nyt eg kaffikoppen og hekletøyet i dag.

Ha ein super dag du òg!

Heimelaga

Eg får ei slik god kjensle når eg lagar noko fornuftig.

Det er så utruleg kjekt å kunne lage noko som ein verkeleg har bruk for, som ikkje berre er til pynt...

Men sjølvsagt kjekt om det blir litt fint òg...

Me trengde fleire gryteunderlag, og eg hadde sisal-garn (er det det det heiter??), og på ei lita stund hadde eg hekla meg eit litt stort og godt gryteunderlag.

Kjekt!

Men ikkje nok med det...

Til jul fekk eg av vetlasysto mi ein superfin og veldig god heimehekla oppvaskklut, knallfin!

Sidan då har eg tenkt på at eg skulle laga meg fleire slike, og no endeleg har eg hekla meg ein til.

Neste gong eg er utanbygds skal eg kjøpe masse meir bommullsgarn og sette igang ein stoorproduksjon av slike klutar! Dei er supergode!

Den er hekla i vanleg bommullsgarn, på pinne 4. Eg dikta mønster med tre rader fastmasker og ei rad med stavar..heilt til eg var tom for garn.

Eit nøste = ein klut

(hugsar dessverre ikkje kva garnet heiter..typisk)

Helga er ikkje over enno...

Men til no har me hatt det veldig fint.

Dokkemor kom superstolt heim frå skirenn på laurdag med medalje og pokal!

Trur aldri eg har sett eit stoltare ansikt...

Berre nokre utvalgte får lov å røre gevinstane...

I dag er det husarbeid og ein liten innsats med bilvask...

No skal eg hente eldstejenta på jobb...

Ha ein flott sundag!

Japan...

http://www.forjapanwithlove.com/

Litt av ei helg...

Tittelen i dag er noko tvetydig...

Me har sett på TV her òg...

Mållaus...

Men

Her kjem iallefall litt av mi helg...

Ein ny stoor koloss av eit skap har funne sin plass hjå oss, eller det har den igrunnen ikkje, for eg veit ikkje heilt kvar eg har plass til den.

Ikkje at den er såå stor, men utruleg tung!

Eg har ønska meg eit arkivskap lenge, tenk kor smart å samle alt mogeleg oppi dei store skuffene...

Men kva? Det er framleis litt uklart...haha

Meininga mi var å ha den på kjøkkenet, men den var rett og slett for djup (altså ikkje brei, men lengda bakover... korleis forklarar me det??)

Me finn vel ein plass snart, eg har jo fått "nytt" kontor i helga.

Eldstejenta har hatt vinterferie denne veka, og ho har bytta rom. Ho overtok frivillig mitt gamle (og heller vetle) kontor, så fekk eg hennar rom til nytt og romsleg kontor! Supersnill!

Men som de ser, SÅ ryddig kan det jo ikkje bli lenge...

(dette er berre eit ekstrabord eg har ved sida av skrivebordet mitt)

Fargen på veggen heiter Sand, og eldstejenta fekk velge den ut heilt sjølv då ho i si tid flytta inn her. Kanskje den er moden for overmaling?

No har eg iallefall plass nok.

Takkar for alle supre fargetipsa i førre innlegg! Eg trur eg heller mot at sennepsgult blir ein ny favoritt hjå meg, må berre finne noko fint med den fargen fyrst.

Me sjåast!

Heklapute

Då var endeleg heklaputa mi ferdig!

Den glir fint inn i sofaen...

Med fare for for mykje grått, må eg kanskje sjå meg om etter andre fargar snart..?

Nokon som har tips? Kva passar til masse grått?? Haha...eg har byrja med litt blått, me får sjå, det ligg jo alltids litt rot innimellom hjå meg òg (tru det eller ei), og det er ofte i riktig skrikande fargar...hihi

Eg har funne fram ein gamal vase frå IKEA, dratt på litt av gensaren eg klipte sund her tidlegare.

Vart litt ny med ljos oppi...

Hekleputa er eigenkomponert med berre fastmasker og hekla med pinne 9 i nydeleg Eskimo-garn, mjukt og godt.

Gjekk veldig fort å hekle når ein fyrst sette i gang (vart berre litt mykje avbrudd for meg...).

Ein nydeleg heimelaga cappuccino er ikkje ei dum avslutning på ettermiddagen...

Kos deg litt du òg!

Ny innflyttar på kjøkkenet

Her går det i ein viss fart for tida, mykje som skal gjerast når ein har litt ferie!

Etter mykje om og men har me endeleg fått på plass denne gamle disken på kjøkenet, den har vore oppbevart i hagehytta vår, mykje på grunna av at me ikkje har hatt plass til den, og litt fordi eigarskapet til disken er litt uklart..(hmm kva seier du kjære søte svigerinne??).

No tek eg altså sjansen...

Den kjem får min mann sin familie og var laga av hans bestefar.

Eg synes den er nydeleg...

Eg måla den i fargen "morgenlys" for fleire år sidan, den opprinnelege fargen ser du på innsida av skapdøra lenger nede..(den raude fargen).

Eg synes den passa så fint her, eg elskar å blande nytt og gamalt...

 På bilete til venstre ser du den gamle delen av kjøkkenet vårt som fekk stå igjen etter ombygginga i haust...

På bilete til høgre ser du motsatt side av kjøkkenet.

 Ei fin grøn oljeflaske frå Åhlens...

Inni skapet får den bitte-vetle gamle microen vår plass (arv etter mi bestemor, faktisk..hihi).

Den turkise fargen heiter "isvann", og den raude er den opprinnelege fargen på disken.

No gjenstår det å seie at ingen av skuffene har botn og det andre skapet manglar hylle, så det er litt arbeid med den enno. Men det er berre kos...

I dag skal eg og vetlemor på miniferie til bestemor på Voss!

Me håpar å sjå både søskenbarn, tanter og onklar på turen...

Ha ein fin fin dag!

Her skin sola, jippi...

Heimelaga "strikkelampe"...

 Kva kan ein ikkje bruke ein øydelagt genser til??

Kanskje litt styggfin?

Eg likar den.

Medan mannen i huset måtte lage middag, laga eg ein lampe..hihi. Slik er det når inspirasjonen tek overhand, og ting berre MÅ setjast ut i livet med det same...

Dette er altså resten av gensaren som ved ein feil vart vaska ved altfor sterk varme...og dermed vart altfor liten.

Men for god til å kaste.

Eg hadde for lenge sidan kjøpt ein lampeskjerm som ikkje var særleg fin, difor tok eg av stoffet.

Skjelettet har vore i kjellaren sidan, berre venta på at eg skulle kome på kva eg skulle bruke det til.

Heilt til no.

Eg drog berre sjølve bolen på gensaren over lampeskjelettet, knytte fast i toppen og vips ein heilt spesiell designlampe!

 

Som ledning har eg brukt ledningen til ei gamal julestjerne (slik som heng i vindauga), den er festa inni lampen slik at den ikkje glir av.

Strikk er jo fortsatt hot...

Synes den passa fint over disken i kroken her på kjøkkenet vårt.

Har eigentleg veldig godt lys på kjøkkenet, men av og til vil eg ha berre litt lys...

Då passa denne lampa perfekt...

Hjå oss er det VINTERFERIE no, jippi!

Me skal jammen kose oss.

I morgo kjem vekas einaste dag med SOL, og då må me på ski!

Håpar..

Kjem snart att...



Blått er jo flott...

Dagen starta tidleg hjå oss, sjølv om eg og dokkemor har fri har me nok å gjera.

Fridag er handledag, vaskedag, ryddedag, strykedag,

..og ikkje minst kosedag!

Eg steiker vafler medan sola skin inn på kjøkkenet til oss...

Herleg..

Måtte nett vise denne heklabrikka som eg synes har så fin farge...

Passar så godt inntil puta eg hekla i fjor og den blå loppelampen min (om nokon hugsar den...).

Er liksom litt på leit for tida, etter nye fargekombinasjonar og ikkje minst litt inspirasjon...
Kanskje er det slik for deg òg??

Eit lite tips...

Eg er ikkje god til å strikke, ikkje har eg orka lære meg det skikkeleg heller...

Eg kan endeleg strikke rett fram, men andre ting er litt gresk for meg.

Difor er dagens tips heilt genialt!

Eg er sikkert ikkje den einaste i bloggverda som har kome på dette altså...men men...

Ta ein gamal strikkegenser (som kanskje uheldigvis er kome saman med 60 grades klær i vaskemaskina...hmmm), finn nokre gamle syltetøyglas, klipp opp armane i passelege bitar...

tre dei på glasa, putt lys i valfri storleik oppi.

Vips, akkurat som i alle interiørblad no...

Strikking er hot..

Og endå kjekkare er det når me får det til UTAN å strikke..

(kunne sjølvsagt hekla trekk òg...)

 Eg synes dei vart fine, eg...

Eg sette oppi kubbelys frå Nille, kan ha te-lys i om ein vil...

Eg er såå glad når eg kan bruke ting omatt, på ein ny måte...

Og historia til denne genseren var eigentleg ganske trist. Det var eit uhell at den vart vaska for varmt, bestegensaren min! Eg tenkte eg skulle sy ei pute av den...men det tar så lang tid...(å finne fram symaskina..hihi).

Eg har ikkje festa gensaren på noko måte, kunne kanskje limt den på, men den heng fint.

Hjå oss er eldsteguten sendt avgarde att etter eit hyggjeleg besøk i heimen, og i morgo er det kvardag igjen.

Ha ein god start på veka!

Klem