Framgang...

Ikkje vanskeleg å forstå kva me har drive med heile haustferien...

Og i dag har me verkeleg sett alle "kluter til", til og med dokkemor måtte henge i å male litt...

Sjekk teknikken...

Det er godt ho lærer seg å male litt, kan hende det blir det me gjer kva haustferie heretter, haha...

Som de ser malar me kvitt på veggane, det er ikkje sikkert alt skal vera kvitt til slutt, men me må leve litt i romma før me bestem oss. Eg likar å sjå korleis lyset fell og kva møblar me endar opp med osv...

Det er alltid lett å svinge malarkosten att...

Då desse bileta var tekne i dag gjenstod eitt strøk på veggane, taket er no pussa og klart til maling...så var det listinga då...

 Blomane på biletet er siste rest frå hagen...

Synes lyset vart fint her inne til slutt...

Eg gledar meg så mykje til å ta rommet skikkeleg i bruk, at eg vaskar og vaskar etter kvar omgang med pussing...og set møblane på plass att i nybygget...

Det har blitt nokre omgangar med å flytte bordet inn i "gamlekjøkkenet" og ut i "nyedelen"...hihi

Men men...i morgon er det arbeid og barnehage att, dokkemor har hatt fri heile veka og kosa seg med storebror og storasysto. Og innimellom all sparkling og maling har me kosa oss veldig!

Ha ei super ny veke alle der ute!

(Stoor klem til Øystese!! Ja me kan sjå om det passar 3.nov...)

.....

Brått fekk eg ei lengt til jul...

Når skodda ligg tjukk nedover fjellsida og sola kun kan skimtast langt der oppe på toppane, då lengtar eg litt etter jul...

Måtte finne nokre bilete frå i fjor. Håpar systo tilgjev meg bruken av det siste bilete...Som er frå eit juleselskap i fjor.

(ja, det var juleselskap hjå deg i fjor...)

No skal eg legge vekk målakosten og sparkelspannet, berre eit bitta lita stund, og ta fram nokre jule-interiørblad og kosa meg.

Håpar du kosar deg òg!

Ein puff...

 Eg har lenge leita etter ein puff.

No har eg funne ein!

Synes den var fin på sin måte...

Passar perfekt til ei lita rumpe, framfor barne-TV...

Som de ser på nederste bilete, plater er komen på veggen i nya-kjøkkenet. Eg sparklar og sparklar...

Golvet er ferdig malt på eine rommet, to strøk på kjøkkenet (skal ha fire...). Yttergangen er den som heng litt etter, platene er ikkje heilt på plass der enno, men det kjem seg.

I dag skal eg pusse sparkel og kanskje (om eg har vore flink nok med sparkelen) male fyrste størk på veggen. Gler meg!

Hjå oss er det haustferie!

Travelt likevel, men kjekt...

Lopper i blodet??

Eg vart så inspirert av NIB sin utfordring (veit ikkje om eg tør å vera med der men...), at eg berre MÅTTE leite meg fram i arkivet etter nokre gode loppefunn.

Og gjett kva eg fant?? Nesten alle bileta mine er av brukt-loppe-funn! Eg måtte berre le...men når eg ser meg rundt er halve huset fylt opp av diverse lopper, gjenbruk, omattbruk, bruktfunn osv...

Reknar med eg ikkje er åleine om det?!

Eg samla eit knippe av dei bruktfunna eg er mest nøgd med...

Øvste bilete er av ein gyngestol kjøpt på Fretex i Bergen, måla med svart bengalakk..Skapet i bakgrunnen er frå Fretex.

 Rommet til dokkemor, med loppemøblar. Dei var så fine og raude at dei har fått lov å vera slik. Tavla på veggen er kjøpt på ein bruktbutikk..

Både stolen, bordet og lampen er bruktfunn...

Den gamle divanen har eg hatt leenge, den kjøpte eg brukt på Patina (putene og teppe er nytt då). Skapet er eit Fretex-funn for mange år sidan, stolane du ser er brukt, bordet er frå ein barnehage som selde ut alt inventar...Lampen i taket er frå ein bruktbutikk..(lettare å seie kva som ikkje er brukt...haha)

Dette var mykje det same, bortsett frå den brune benken (under heklateppe), kjøpt frå eit dødsbo. Men alt her er brukt, til og med ljosastakane i bakgrunnen..

Kosekroken, med loppestolar og loppelampe...

Og no har eg akkurat vore ute og vaska nokre fleire loppefunn...Men husk alltid; når noko går inn, må noko anna ut...

Kan ikkje fylle på med alt mogeleg heller...hihi

Denne kavalkaden var kjekk for meg iallefall, artig å sjå att gamle interiørbilete. Alle er stort sett frå 2009, så så veldig gamle var dei vel kanskje ikkje...

Eg har fri og nyyyt dagen! Håpar du gjer det òg!

Før og etter...

Jammen har det gått ei stund sidan sist...Eg er sjølvsagt oppteken med viktige ting om dagen..Det er ikkje mange ting som kan vera viktigare enn OPPUSSING!

Det øvste bilete gjev eit lite inntrykk kor lite kjøkkenet vårt var opprinneleg. MEN slik er det IKKJE lenger! Juhuu! Difor legg eg ut bilete som verkeleg helst ikkje skulle vore vist for folk, men eg er så utruleg glad!!

Det har vorte ein verkeleg skildnad frå korleis me hadde det før...

Her kjem nokre gamle bilete til...

Spisebordet stod midt i vegen, kan ein seie...

Her ser de den tidlegare ytterveggen, der tilbygget no er tett...

Og lett kan rivast av ein kyndig (min gode mann i huset!) person.

 

Her er veggen opna, og bordet flytta nett utom den tidlegar veggen...FOR ein lettelse å lage mat, når ein ikkje stangar borti bordet på veg til kjøleskapet.

Men som de ser, det blir litt større enn akkurat passe...

 

Store gode vindauga mot sør...ei stor altandør, rett mot uteplass, på andre veggen.

Visst blir det fint til slutt!!

No skal eg prøve å oppdatere LITT oftare..

Men no må eg ut att å hjelpe til, utruleg masse arbeid igjen.

Ha ein fin søndag vidare!

Ein kjøkkendraum...

Det veit eg jo ikkje heilt enno, om det blir ein kjøkkendraum til slutt... men eg veit at det nærmar seg noko som liknar.

Det du ser på det fyrste bilete er snart historie. Dei heimesnikra diskane og det halve skåpet over kjøleskåpet skal vekk...

Det har sin sjarm, for all del...Men om du legg merke til skruene i skuffa..(haha, for det held faktisk på å gå heilt i tusen knas). Det kjøkkenet som er her er berre deler av det opprinnelege, og hadde ALT vore iorden hadde det vore fint å bevare det. Men sidan det trass alt var bygd i 1969 (og delvis av plast) har det sett sine beste dagar.

Golvet er på plass, vindauga er komen, og dørene kjem i morgon (håpar me...). DÅ kan me byrje å rive veggane inn til huset vårt, slik at alt til slutt heng saman...

Spennande tider...

På det nederste bilete står eg i gangen ved ytterdøra, til høgre kjem eit soverom, og rett fram kjem kjøkkenet...

Og helga gjekk med til isolering og inn-plasting, det går på fram...

Ei ny veke med nye mogelegheiter ligg framfor oss!

Men min erfaring tilseier at det snart er helg igjen..hihi

(tida går jo så utruleg fort!)

Ha ei fin fin veke så lenge!

Heimelaga...

 

Alle som kjenner meg veit at når eg lagar noko sjølv skal det helst gå fort. Eg er vel av dei som helst skulle vore ferdig før eg er begynt. Difor elskar eg ting som verkeleg går fort å lage!

 

Her er eit eksempel...

Har du stoffrestar liggande? Som du veit at du aldri får bruk for meir?

• Riv stoffet i strimler på ca 1-2cm (eg erfarte at 1 1/2 cm var passe).
• Riv det slik at stoffet heng i hop heile vegen...(jadå du klarar det..)
• Rull det opp i fine nøster, finn ein heklekrok str.9, legg opp ca 50 luftmasker...
• Vips er du igang med di eiga fillerye...
• No fortset du til du er nøgd med lengda, fastmasker heile vegen...

 

Eg skal innrømme at fargevalet mitt ikkje var av det beste denne gongen. Men det er fordi det stoffet eg kunne avsjå verkeleg IKKJE var særleg fint...hihi

 

Men eg ser potensialet til å hekle både det eine og det andre av stoffrestane mine...

 

Sidan eg ikkje var særleg nøgd med fargevalet denne gongen, får matta plass på do...hihi

Ho var veldig mjuk å god å gå på, passe tjukk...

 

 

Men det beste av alt, var at det kun tok nokre få kveldar (sat for all del ikkje heile kveldane) før eg ho var ferdig!

 

I dag har eg og dokkemor fri, og dagen har gått med til rydding og støvsuging...

Men men, det er jo kjekt å ha det reint og fint rundt seg òg...

Litt kanelbollebaking fekk me òg tid til.

 

Ha ei fin veke vidare!

 

Termostid..

Hausten og vinteren er som kjent termostid..hihi, jadå, det er då me har termos med på tur. Difor har eg kjøpt ein søt liten Blafre-termos til dokkemor. Ein knall gul liten termos klar til kalde turar med både barnehage og mamma og pappa...

Den er kjøpt på den flotte butikken; NettPynt.

For dei som trudde at fargerike termosar er noko nytt, viser eg eit lite utval av mine flotte termosar, av litt ulik årgang..

Dei rutete kjøpte eg for mange år sidan på nærbutikken her, der dei då hadde eit rikt utval av 60-70-tals ting og tang...

Den oransje bakerst kjøpte eg på Fretex, men den er heilt ny.

Eg har ihvertfall ingen unskyldning for ikkje å gå på tur når kulda kjem snikande...

Ha ein flott søndag vidare!



Berre ein pinne...

Me kan vel knapt kalle stokken min av drivved for berre ein pinne...Men det var det eg sa då eg skulle henge den opp..hihi.

Det er ikkje mykje "pynt" på soverommet vårt, eg er ikkje så glad i ting som berre skal hengast på veggen for å være til pynt. Men denne stokken har jo ein misjon, den skal me henge sengeteppe over, når det ikkje er i bruk!

Vips, ein god grunn for å ha ein stokk hengande i taket over fotenden av senga...

Synes den er fin eg...

Ha ein flott kveld!

Haustbonus

Å hauste epler og plommer høyrer liksom til på denne tida når ein bur i Hardanger. Me har plommetre i hagen, men må plukke epler hjå naboar og rundtomkring...(helst med lov sjølvsagt...hihi).

Hausten er fin!

Framleis er me heldige og kan hauste inn både roser og lavendel frå hagen...ein herleg haustbonus.

Me har starta innvendig på nye tilbygget med golvlegging og isolering (eg synes det går utruleg tregt...)... men det går framover...hihi

(bilete kjem)

Eg håpar på litt tid framover...

Tid til det eg likar aller best..

kosa meg...

Ha ei fin veke som kjem!

Ei mamma på tavla...

Det er få ting som kan vera så freistande som ei nyvaska tavle....

Og i dag var det mammo som vart portrettert på tavla vår! Eg likte spesielt godt håret som strålte som ei SOL!

Huset byrjar så smått å ta form, eg er veldig spent på korleis alt blir til slutt. Snikkarane jobbar iherdig kvar dag, men me manglar vindauge (skal bytte dei i 2.etasje) og litt detaljar enno.

Kanskje det ikkje blir så verst til slutt...?