Raude vitaminbomber!

Me er så heldige å ha eit lite kirsebærtre i hagen, som de jo veit. Og no var det tid for hausting! Mørke raude spregnmodne frukt hang freistande i treet...Eg berre elskar å plukke bær! Det er rekreasjon for både sinn og sjel.... Og når eg plukkar bær så senkar roen seg og eg får fred (ja berre prøv sjølv, det er sant!)
Men akk, eg har som sagt ei veeeldig aktiv trultemor her to steg bak.... og når mor hadde plukka spannet fullt og berre nett måtte snu seg vekk (inn å hente jakke) i mindre enn eit halvt minutt. Ja, så skjer dette:

Eg hadde sjølvsagt plassert spannet oppå ein mur i (trudde eg) god avstand til små bornehender...Men når eg kom ut att, stod den vetla trulto der og smilte over heile fjeset, med raud trutmunn og ein herleg latter! Ho hadde velta heile spannet og hadde hender og munn fulle av raude sure bær!...Ein kan jo ikkje verta sint heller....

For det er verkeleg freistande når ein ser på den fine fargen....

Når me fyrst snakkar om bær, så har eg vore så heldig å fått tak i 4 kasser jordbær i år! Jippi! Eg trudde nesten me måtte klare oss utan, for eg har høyrt det var sånn mangel på jordbær i år.... Men neidå, innimellom maling (og desperat rydding i ei kaotisk stova...), og ekstremvakthald på vetlatrulto....så har eg sylta alle jordbæra! Eg kokar aldri bæra, eg berre rører dei. Reinskar, deler i to og blandar i sukker og litt frysepulver, og rører i veg til sukkeret er oppløyst.

Mi oppskrift på ca 2 kg bær:

300g sukker

1/2 pose Certo frysepulver

Og her i huset får denne sylta verkeleg bein å gå på gjennom heile den kalde vinteren...

Kirsebæra (eller det som er att...hihi) ligg trygt i frysen, dei ventar eg med til eg har plukka litt andre bær òg. Så når eg har tid ein gong før jul brukar eg å lage saft...

Ja, ingen kan vel seie at eg ikkje er ei skikkeleg husmor!! Hihi..(synes eg høyrer latter ein stad...hmmmm)

Ha ein fin dag!

Hageselskap...

Håpar ikkje storasysto har noko i mot at eg legg ut litt inspirerande bilete frå hageselskapet i helga...?? Alltid lika kjekt å koma til dei! Takkar for kjempegod mat og ein koseleg kveld og morgon i hagen!
Søtsaker på pinne....
Punsj til store og små...
Gode salatar...
...med noko meir søtt til slutt! Herleg!

Her i heimen går det saaakte på fram... Men stova er snart ferdig malt (jippi!), bilete kjem snart....men golvet har me ikkje byrja på... Ting tar tid... min arbeidsomme mann arbeidar laaange dagar for tida, slik at me berre har nokre få kveldstimar til rådigheit...

Og ettersom eg har ei frykteleg aktiv og nyskjerrig lita "trulta" gåande to steg bak meg heile dagen, så får eg ikkje mykje gjort utan at ho søv....

Men no er det jordbæra som ventar...4 kasser med herlige jordbær skal bli til sylta!!

Ha ein fin dag!

Tusen takk Lille meg for denne awarden!! Det er utruleg kjekt å få ei påminning om at det faktisk er nokon der ute....(?) Rart å sitje slik i sitt eige hus og plutseleg "kjenna" litt av livet til andre på heilt andre kantar av både landet og kanskje til og med verda! Eg er vel ikkje åleine om å synes at internett er ei fantastisk oppfinning!!? (Brukt med fornuft, vel og merka....)

Her hjå oss er det travle sommardagar! Stova er ikkje klar enno, og bilete lyt difor venta...men me driv på (sjølv om eg er ei utolmodig sjel går det ikkje fortare enn det gjer....det er visst viktig at ting og tang tørkar(!)).

Men medan eg ventar på det har eg mi fulle hyre i å hindre vetlajento i å eta reint kirsebærtreet i hagen! For ikkje å snakke om ripsen! Den busken er allereide tom...No var den veldig liten då, men akk, den jenta let seg ikkje stoppa av litt vêl sure bær! Ho knaskar i veg på alt ho finn på bakken, og strekker seg alt ho klarar for å prøve å nå tak i ein sur fristelse.... Og då går alt ned, både stein og bær...huff og huff for ei mor eg er...Men eg har altså prøvd å plukke reint dei nederste greinene...Skal prøva å finna nokre andre søte bær utan stein ho kan knaske på....

På bilete over kan de skimta ei lita linselus... Eg har for tida flytta ned frå den vanlege uteplassen, og parkert både eit bord og stolar rundt kirsebærtreet (for å halda vakt)...hihi...

Men eg driv med litt andre syslar i varmen òg...No må eg be svigerinna i Oslo om å halda for augene, eller klikka seg fort vidare til neste blogg...hihi...

...JA! Eg har mala den gamle kjøkenbenken (eg fekk eigentleg ikkje lov...!)! Eg må berre tilstå...den har stått i garasjen min i minst 7 år(!), Og no ville eg bruka den til noko fornuftig...så medan alt tørkar inni stova, så mala eg denne kjøkenbenken. Den har stått i det gamle kjøkenet til bestemora til min kjære mann...Og er laga av bestefaren eller onkelen (dei lærde strides om kven....?)

Men fin er den iallefall....eg tok vare på litt av den spesielle raude fargen på innsida av dørene...inni skapa malte eg med turkis farge, synes det vart ein fin kombinasjon...

Den har no altså fått hedersplassen i hagehytta vår! Og den passa utruleg godt inn!! Eg vart så kjempeglad!
Den har ein fin gammal oppvaskkumme nedfelt i benkeplata... Men i hytta har me foreløpig ikkje vatn...men kanskje ein dag??

Til helga vert det litt oppussingspause hjå oss, me skal i hageselskap til storasysto! Og håpar, krysser fingrar og tær for litt sol!! Nett no regnar det nemleg her...

Eg er utruleg glad for alle dei koselege kommentarane eg har fått!! Tusen takk alle saman!! Ha ei fin helg alle som kikkar innom!

Kaos hjå oss!

Ja, her råder det komplette kaos for tida! Synes eg skuldar ei lita forklaring etter forrige innlegg... Det har seg nemleg slik at me flytta inn i dette huset for 7 år sidan (trur eg...hmmm?) Og då skulle me pusse opp medan me budde her. Det gjekk som det måtte går, det vart lettvinte løysingar og maaange liter med maling for å dekke det aller meste (som blant anna var burgunder og gult....gulp).



Deriblant var tapeten som dekkar det meste av stova, den var tjukk som eit golvteppe, det gjekk iallefall 4 strøk før den var nokolunde... Men som de ser av bilete under så vart den ruglete og skikkeleg farleg å koma borti! Såg nesten ut som upussa mur...Den har til og med skifta farge (nyansar av kvitt) eit par gonger etter det. Men no var den i fargen "luft", som er ørlite vaniljeaktig..(ser veeeldig gulatig ut på bilete, som er teke i dårleg lys...). Men sidan eg skal legga nesten heilt kvitt golv i stova, så ville eg ha heilt kvite veggar! Og DÅ MÅTTE tapeten vekk! Som sagt så gjort! Men eigentleg ville mannen i huset at me berre skulle fjerne alle plater og alt, slik at me la nye plater og mala dei. Men eg meinte at det måtte no vera (billegare?) enklare å berre fjerna tapeten og så mala platene under...??
...jodå, det var ikkje såååå vanskeleg, men det tok litt tid...

Og slik ser det altså ut.... når tapeten var fjerna låg det eit lag med papir att...det måtte mora sjøl skrape vekk...(med god hjelp frå min snille gode mann!)
Og slik såg det ut under tapeten...det ser kanskje ut som me har mala stova?? Neidå, eg tru ikkje eg ville valgt desse fargane...(?) Men kanskje ikkje så ulikt trenden i dag rundt omkring i dei norske heimar??
Dette var berre ein liten stemningsrapport frå kaoset....men snart er det klart for maling! Jippi!...

Måtte nett slenga med eit av dei nyyydeleg markjordbæra me plukka på tur på søndag...fins ikkje noko betre enn markjordbær! Ha ein fin kveld vidare!

Ei helg er over....

Etter ei kjempekjekk helg med besøk i hagehytta, seine kveldar ute i hagen med vin og god mat. Og ikkje minst med sol og varme....ser det omtrent slik ut ute hjå oss no...: (men dette bilete er teke på veg heim frå Osloturen vår..) Eit forrykande regnvêr med vind! Skulle ikkje tru det gjekk an....

Då er det godt å koma inn til mitt kjære ny-oppussa kontor som har blitt så fint og lyst...

Men for all del, me er IKKJE ferdige med oppussinga vår enno... Og i kveld var me langt frå å byrje på noko som helst, heilt til eg fekk tak i ein flik av tapeten...Ja, så enkelt kan det gjerast jenter! Berre ta ein flik av tapeten og røsk til! Så byrjar du berre nett litt til og litt til... tilslutt har mannen i Noralill-huset kome seg på beina og byrja han òg! Så når kvelden no kjem har me rive ned all (den grusomme) tapeten i stova og plukka ned eitt tonn med bøker frå bokhyllene og flytta rundt i heile stova og vips er me i gang! I morgon vert det å blautgjera heile veggane og skrape av den siste papirbakgrunnen på tapeten (det som heng att på veggen). Høyres det kjekt ut!? Det er kanskje den verst jobben, men snart snart kan eg male og snart snart er golvet på plass...!! Eg gler meg så veldig at eg trur ikkje eg treng å sova...kan berre riva litt til....( og for meg kan det berre regne nokre dagar til..hihi)

Takkar masse for fine kommentarar på forrige innlegg! Eg spurde fint eldstejenta om det var greit at eg fortalde litt om ho på bloggen min...Og det var visst heilt iorden...Me har faktisk pussa opp rommet hennar òg innimellom alt! Eg har så masse eg må vise bilete av no at eg veit ikkje når eg skal få tid...tjihi...Men det er jo dette som er kjekt!

Men no skal eg i seng...natti natt!

Klem

Oslotur...

Eg brukar ikkje være så veldig åpen om alt her på bloggen min, det er liksom nokre ting i livet som ikkje kan delast via ein PC, synes eg. Det vert litt rart... Men me i bloggverda har jo så mange slags liv, og alle har nok sitt å stri med innimellom alle dei fine bileta og draumen om det gode liv i sakte fart.... (?)

Eg gjer eit unntak no. Eg skreiv i forrige innlegg at me hadde vore til Oslo, og for oss inneber det alltid eit opphald på Rikshospitalet. Det har seg slik her hjå oss at eldstejenta vår har ein svært alvorleg autoimmun sjukdom, og me reiser til sjukehus mange gonger i året for innlegging og behandling. Ein Oslotur er ikkje ferie...Med mange tårer og mykje motgang har eldstejenta vår fått erfara livet på sitt verste...

Men midt oppi alt så er me så utruleg heldige å ha ei tante i Oslo! Og når me får bu hjå dei lysnar alt opp og me får "feriekjensler" sjølv om me er innom på sjukehuset! Dette betyr utruleg mykje for jenta vår! Så no når me hadde ei innkalling til sjukehuset, så nytta me anledninga til å vera nokre dagar ekstra hjå tanto, onkelen og vetla søskenbarnet....Som er ein perfekt leikekamerat til vetlajento her i huset! Me hadde nokre herlege dagar med masse leik, kos og sjølvsagt shopping!! Tusen takk for opphaldet!!
Her sit dei små tuttene og kosar seg i sanden....Og som ei avveksling måtte dei sitja fint i vogna når me litt større kikka rundt på Bærums verk ....Ein veldig koseleg stad med mykje fint!

Og nesten det beste av alt var at min kjære mann gladleg mala heile kontoret medan me var vekke!! Så slapp me tenkje på malinglukt og rot... og alt var fiks ferdig til innflytting (og rydding) då me kom heim! Eg kunne pynta med nyplukka roser....Heilt utruleg kor mykje større og luftigare rommet verkar med golvet grått...
...og alle bøkene måtte på plass att... Men etter opprydding i hyllene kunne eg stolt setje inn berre to av tre hyller! Så no får eldstejenta ei ny hylle til sitt rom! Og sjølvsagt måtte vetlaknøttet ha seg ein liten leikekrok her inne....

Det var alt for denne gong...men me har masse på gang...i skrivande stund er min veldig kjekke mann på veg heim frå IKEA! Han har kjøpt nytt golv til stova!! Hurra!!

Ha ein fin fin kveld!

Måndagskveld....

Dette kan vel kanskje reknast som eit pauseinnlegg...? Ja ikkje det at eg har noko form for pause, men dei bileta eg eigentleg ville blogge om ligg på kamera (nede i stova). Går det an å vera sååå lat?? Ja!

Difor viser eg heller nokre eg hadde frå før...hihi. Eg har to nydelege lavendel i hagen min, og det er igrunnen synd dette er eit nærbilet for dei er blitt verkeleg store og fine! Og luktar nydeleg...Og roser blir eg aldri lei av, så eg må slenge med eit bilete av ei av dei fine frå hagen. No er me midt i rosesesongen og eg plukkar inn og prydar kvar ein krok med nyplukka friske roser (nesten kvar dag...) Så kan eg jo vise noko lite eg kjøpte meg på bytur med jentene mine. Fyrste dag av sommarferien tok me oss ein shopping-tur til Bergen, og der fant eg denne herlege knaggen og (sjølvsagt) nye serviettar...(kjøpt på Ting)
Nok ein herleg rosenknupp...
Så er eg så heldig at svigermor har vore i på helgatur til Haugesund, og ho handlar gåver til både store og små! Sjå kva eg fekk! Ein nydeleg handkrem frå Durance, (midt i blinken for meg!)

Men ikkje nok med det, eg fekk ei nydeleg skål frå Greengate... Ja ein skal kanskje ikkje undervurdere ei svigermor...?
Eigentleg så har eg og jentene vore på nok ein bytur, Oslo denne gong. Og det var litt bilete frå den turen eg ville vise, men det får komme seinare...

No ventar vetlemor på kveldsmaten...

Ha ein fin kveld alle saman! Og tusen takk for alle dei kjempekoslege kommentarane! Eg blir så utruleg glad!

Netthandel og oppussing....

Det er vel ei overdriving å kalle meg den ivrigaste bloggaren på nett, for det går jo alltids nokre dagar mellom kvart innlegg...(eg er her altså) men eg driv med mykje anna på nett...tjhi...Gjorde nett (obs det vart mykje: nett....)ein vellukka handel på Trendy.baby.no. Det er så kjekt når det ein handlar vert som forventa...

Fyrst dei nydeleg søte tøflene til vetlemor...når bilete var teke hadde ho allereide gått med dei ein dag og to...så kvit var kanskje ikkje rette fargen, men men dei var no søte då...Og veldig gode å få på og av og ikkje minst mjuke å gå i...Me må førebu oss til barnehagen til hausten veit de...(hjelp)

Og denne søte nisteboksen frå Rice, den skal det vera mykje godt i...litt fruktbitar i dei små romma og god fersk brødskive i det største...(denne vetlejenta skal ikkje lide nød, nei...hihi)

Men eg må seie at eg var mest overraska over denne jakka! Dette er eit regnsett (det høyrer bukse til òg...) er 100% vanntett, vindtett og pustande...(korleis får dei no det til...?) Men regnstoffet var så utruleg mjukt og godt! Heilt fantastisk å ha på (sikkert)...så den jakka skal nok ikkje berre nyttast på regntunge dagar...Sprek i fargane var den jo, men når mor handlar på nett er det ikkje lett å ha kontroll over alt...hihi...og vetlegoklompen vår må jo bli sett!Og mor i huset har eit brennande ynskje om å bli sett òg (tydlegvis...) for når ho handlar paraplyar så er det ikkje akkurat dei mest praktiske fargane ho tek seg ut...Men men det kan jo hende at med denne nokon vil oppfatte meg som søt og morosam...? Verd eit forsøk er det iallefall....
Men i overskrifta står det oppussing...og det er igrunnen det eg driv med for tida. Eller driv og driv, eg vert stoppa heile tida av små filleting som mannen i huset meinar me/eg må gjere FØR eg byrjar...! Eg føler liksom på meg at I DAG då skal noko malast! Då er eg klar med målarkosten og vil i gang med ein gong...men slik går det ikkje alltid...(dessverre). Prosjektet eg har føre meg no er kontoret...mitt vetle krypinn! Ja her ser de den grufulle sanninga: På bilete og i skrivande stund er det her eg sit;
Ja, de treng ikkje seie meir, det ser unekteleg ganske stusseleg ut! Men eg var jo tvungen å rydde unna bordet som dataèn stod på, og forsåvidt alt det andre der inne...For no skal golvet målast! Kanskje eg tek veggane og taket eit strøk til òg...Fargen på golvet vert lys grå (gråmynte) som me har i det andre soverommet og gangen oppe...(skal ikkje seie kva som er på dei to andre soveromma....men det liknar veldig på tre, og er det IKKJE! Huff...)

Om eg ikkje har sagt det før så bur eg altså i eit temmeleg lite men uhyre praktisk (!) 60-talls hus. Og det er i grunnen flott, hadde det ikkje vore for alle dei ulike golva me har her i heime...når me flytta inn for nokre (mange) år sidan, så la me tregolv på ungane sine rom og etterkvart i gangen oppe og seinare på kjøkkenet...desse var då meininga me skulle måle med ein gong, men de veit jo kor fine slike golv er med ein gong?? Lukta nydeleg og er så lyse og fine...men akk det varar ikkje lenge...Alle dei andre golva er måla no, så det er berre dette att...(gler meg...!). Då har me iallefall same golv i "litt" av huset. For å være ærleg så tok eg bilete av dei ulike golva me har i huset, men dei vart dessverre så utruleg stygge at eg ikkje kunne vise dei fram...Men snart så skal de få sjå kor fint det blir....tjih (håpar eg)

MÅ nett ta med eit bilete av ei aldeles nydeleg rose som eg akkurat har planta i hagen...(søren no gløymde eg namnet igjen....) Men det var ein gammal rosetype, men den passar dessverre ikkje godt å ta inn...men for ein dag og to stod den nydeleg i stova mi..! Ha ei fin veke alle! Og eg takkar kjempemasse for hyggjelege kommentarar! Eg kjem nok innom dekan alle i hop...(medan målinga tørkar...hihi)

Tema: raudt og ein liten utfordring...

Eg synes desse fargane er ein nydeleg kombinasjon...

Det fine raude putetrekket fekk eg som barselgåve av mi kjære storasyster...ho har utruleg god smak!!
Når eg kikka i skapet for å leite etter serviettar til bursdagen her for ei tid sidan, såg eg at prikkar visst er i vinden...(men storasyster synes ikkje det var ein god idè til 1-åringen...)

Bordet i all sin prakt, likar fargen godt enno...

Når tema var raudt, måtte me få med ein bursdagspresang til...nemleg den frå mamma og pappa til 1-åringen vår. Ho stortrives i den...

Så har eg fått ei utfordring av Rosa Univers, som eg vil prøve å svare på:

Kva gjorde du for 10 år sidan?

- Det er leeenge sidan, men då hadde eg to halvsmå søte born på 4 og 7 år. Eg var heime med dei lenge, hadde ei deltidstilling i butikk på den tida. Kosa meg masse! Samtidig tok eg gymnasfag for å få studiekompetanse. Og nokre år etterpå starta eg å studere for fullt (men eg er ferdig no heldigvis...).

5 ting eg har på hugselista mi i dag:

-Handle, ta blodprøver av eldstejenta, følge ho til tannlegen, må i jobb-møte og lage middag.

Ting eg vil gjere som milliardær (!!):

-Wow! Det er masse peng...Eg er eigentleg ikkje så oppteken av pengar, så lenge me klarar oss har me det bra. Men om eg skulle få så mykje peng, trur eg at eg fyrst ville sikre ungane mine skikkeleg utdanning utan gjeld. Eg skulle hjelpt familie og vener...bygd på huset...kjøpt meg ein snerten liten Bobil... Og kanskje oppretta eit fond der pengar vart delt ut kvart år til nokon som trengde det skikkeleg!...Men dette er jo berre teke frå lause lufta...sikkert mykje anna fornuftig eg kunne gjort, som eg ikkje kjem på...

Stader eg har budd:

Ålvik, Eidfjord, Voss og Norheimsund...

Utfordringa sender eg vidare til; dei som vil ta den...trur den har vore i bloggland ei stund, så det er vanskeleg å vite kven som har teke den og ikkje...

PS det er ikkje berre veslemor som har fått seg huske...denne er kjøpt på KID og utruleg god! veldig praktisk når me har huskestativ med plass til to husker...kan anbefalast!